許冠文與陳欣健兩位演藝圈知名人物，皆已過80歲，前者80有3，後者今年80，對人生一切睇得非常通透，也活得快樂。
點解佢\u54cb快樂？因知道生命必定會完結，若在完結前唔快快樂樂地「玩盡」，咁咪好老襯？
最近中文大學醫學院舉辦座談會，主題——從上天堂到破地獄：醫生與笑匠談生死。
許冠文講出佢對生死的看法，其實幾年前我也聽過陳欣健同一樣的表述，證明佢兩位老友鬼鬼，早早有共識。
正是——人生使乜諗咁多意義，擔心有冇貢獻，反正大家都是過客，最後齊齊必須步下生命列車，既然如此，為乜唔趁仍在車時，欣賞沿途一切美麗風光？
正因有此體會，你會發覺陳欣健與許冠文去到任何場合，都開開心心地說笑，永冇煞有介事嚴嚴肅肅講乜人生大道理。
講到遲早「落車」，小弟作為前公務員，也早早支持「落車論」，因政府這部龐大機器，既需生生不息地前進，當然要不停培育接班人。
最近參加前同事退休歡送會，這位同事乃最後一位長俸公務員（因政府早早發覺長俸制度會拖垮庫房，故在上世紀八十年代已斬纜，只係定期找數畀公務員，大家自己顧自己退休生活），頗得人心，於是大家為佢搞快樂晚宴。
晚宴自然有送禮物，大家講對佢睇法，而佢亦講\u5572「政治正確」的離別感受。
當中最好玩搞笑又有創意，為大群年輕同事度出一個儀式，非常過癮。
係乜？正是晚宴中途全場熄燈，只剩台上一支射燈，射著一個貴價日本蜜瓜。
司儀請主角上台切密瓜，然後同一時間全場大嗌：「切蜜瓜，切蜜瓜！」
即係乜？即係祝主角「切勿瓜」呀，意指享受長俸到天長地久！係咪好抵死呢？
