有初出茅廬的畢業生早前到土瓜灣見工，在辦公室內驚見奇葩廁所，內裏共有3個排排坐的馬桶。有網民嚇壞，坦言「難以想像香港係咁」，直指這是幼兒園式設計。詳情見下圖及下文：
畢業生土瓜灣見工驚見奇葩廁所 3個馬桶排排坐逐張睇↓↓↓↓
樓主：一開門真係嚇親
剛畢業的樓主本月12日在社交平台Threads以「見工鬼故事」為題發帖，講述在土瓜灣一家市場推廣公司的見工經歷，順帶上載在辦公室內享用奇葩廁所的經驗。
樓主在帖文以「題外話」介紹這個洗手間，指「我去佢個廁所嘅時候一開門真係嚇親。佢係3個馬桶排排坐，中間完全冇隔層。。。佢呢個設計係俾人哋3個一齊去廁所？睇嚟我真係白紙嚟，我第一次見咁前衛嘅設計」。
在回應網民「想睇下個廁所。難以想像香港係咁」的要求時，樓主指「我真係有影到相，因為我覺得好奇怪」，於是大方分享長約5秒的短片。
相關閱讀：快餐店商場廁所卡餐牌咁大個 土法防遺失 夾公仔店誇張摺椅當鎖匙扣
廁所陳設骨子 馬桶一字排開
片中的廁所相當整潔，以木色作主調，點綴著不同的植物與畫作，還有藤籃，帶點骨子書房的感覺。其實廁所有一道門分隔其中一個馬桶，但這道門卻被裝上了透明玻璃，以私隱度來說，這道門是有等於無。
在回應欄，樓主還熱心回應網民的提問——
•網民：個廁所又幾Ｘ靚係咩事。
樓主：樓主：係呀呢，我嗰下都好衝擊。
•網民：同事一齊拖住手去廁所。
樓主：勁衛生！關係好好。
•網民：咩事？？？？仲要透明門？？勁奇怪。
樓主：勁九唔搭八。
•網民：想問下你入得去是咪用咗？有無驚屙屙下有人入嚟？
樓主：我嗰陣人有三急推門入去嗰刻喺門口呆咗10秒，然後我仲走去沖咗次廁所check（檢查）下係咪真係用得。我都有周圍望吓有冇CCTV（閉路電視）。佢大門係有得鎖，但係佢手柄嗰個lock（鎖）位係壞咗，佢上面有嗰啲拉嘅鎖鎖住。成件事勁唔舒服。
•網民：個廁所喺呢間公司嘅office（辦公室）入面，抑或係成層樓所有單位一齊share（共用）？
樓主：Office入面的~
相關閱讀：動物偷摸入廁所「扮」洗頭水 竟無遺和感 港女嚇壞出動一用具「咁樣」處理
網民：雅致但尷尬
其他回應的網民也驚嘆「大開眼界」、「第一次見咁奇怪嘅廁所」、「腦洞大開，我以為我發夢先會見到」。
有人則指「有冇病？幼兒園式設計喎」、「同事之間一定好好感情，屙屎都可以面對面傾計」、「第一次見裝修得咁雅致但又kam（尷尬
）嘅廁所，好似會出現喺dreamcore（夢核，圍繞「夢」的美學）嘅場景」。
資料來源：_yuentingg＠Threads
相關閱讀：北區清潔工公廁插花激勵失業女 女事主感恩：呢到曾經係我安心之所 網民讚譽全港最靚公廁↓↓↓↓
有網民發現北區公園的公廁內放滿鮮花，出帖表揚負責清潔該公廁的姨姨悉心打理，定期換新花，帖文意外引出有港女留言稱姨姨在該公廁放鮮花，曾為處於失業低潮的她帶來激勵：「見到啲花冇咁難過。」
該港女在失業期間為呃家人「仲有工返」，每日「返工時間」都到公園流連，這公廁內的鮮花為她帶來難得的慰藉。詳情如下↓↓↓↓
