哈哈哈，哈哈哈，真開心！
本欄開季畀貼士，畀兩次，中兩次。
開鑼日沙田賽事勝出「燈 將軍」，僅夠買個齋包。
剛剛快活谷賽事貼「花好月盈」，本來賠率得兩倍，但開閘前同場隻「幸運福星」由十一倍打到變四倍（今鋪有人輸到 街囉），結果令「花好月盈」W派38蚊，今次應該夠買兩 飯啦，Yeah！
今次快活谷賽事，又有啟示，可存記：
一、「軟硬鞭」與「哈囉文」兩位一哥與二哥，繼續旗幟鮮明唔串Q，冇肉食也。玩乜？正是阿A開飯，阿B就 飛、開路、讓路。大家可以翻睇當晚第一、二場，定必會心微笑，顯示今季佢兩個 莊玩晒，當然玩晒唔等於食晒，仍會在手指罅中留多少畀大家分。
二、黎昭昇馬房繼續大力反彈，出兩隻W兩隻，贏得清脆利落，已省靚招牌，陸續安排上陣的會逐一交代。有此戰績，馬主們跟紅頂白，當然排隊加盟。
三、弱勢外籍大師傅潘大衛、金誠剛及奧爾文，繼續「負責」夢遊馬場，若再跑多兩次仍未能開齋，不如返祖家捱薯仔好過啦。
周三晚最大反差兩位練馬師，黎昭昇出兩隻W兩隻，春風得意，但巫偉傑則慘矣，出五隻食白果，最 命第一場，被拉倉的「精英至尊」立即入Q交代，但同場由伍廄加盟的「幸運福星」，則開閘十一倍變四倍，輸到無影，瘀爆玻璃。
騎師方面，兩次熱身後，應該開始留意上屆三哥艾兆禮喇，呢位Mr. Bean能火速在香港馬場企穩，並彈離其他對手坐上第三位，當然唔簡單，今鋪開始研究其坐騎。
明日三匹有機會：「勁沙塵」、「快活英雄」及「智跑得」，分別隸屬黎昭昇及廖康銘，兩皆當時得令，WP過關啦！
