樂壇女子組合COLLAR將於本月28至29日，在亞博迎來第二個演唱會《COLLAR “GAME ON” LIVE 2025》。演唱會舉行在即，7位成員Marf（邱彥筒）、Gao（沈貞巧）、Day（許軼）、Candy（王家晴）、Winka（陳泳伽）、Ivy（蘇雅琳）及Sumling（李芯駖），正進行地獄式排舞。
Ivy鍾意睇《變種特工》
而為配合演唱會「GAME ON」主題，COLLAR昨日推出年度第三首團歌兼演唱會主題曲《Riding High》，MV以科學實驗為題，以代表COLLAR由七種截然不同「元素」混合而成，產生團隊獨有風格。《Riding High》以科學實驗為題，天馬行空，大玩古靈精怪作風，講述COLLAR成員各自擁有不同的超能力，Gao表示：「其實呢首歌同COLLAR本身都幾吻合，呢幾年我哋嘅歌都冇一個固定風格，同團隊不斷尋求唔同嘅嘗試，睇睇將七種截然不同嘅元素撈埋一齊，會出現啲咩可能性，呢方面同做實驗嘅精神不謀而合，可能不按次序出牌就係COLLAR獨有嘅風格。」
MV中，COLLAR各懷超能力，當中Ivy擁有時間控制的能力，她說：「有一幕講我可以令啲保安停晒喺度，當初聽到呢一幕，我已經非常興奮，因為細個鍾意嘅電影係《變種特工》內裡有個角色叫『快銀』，講佢跑得好快，佢快到其他人幾乎似靜止動作。」至於Candy在MV中擁有瞬間轉移的超能力，她指：「現實我都想擁有自己的超能力︰瞬間轉移，咁可以慳車錢，拍嘢無論喺邊度拍都可以收工1秒返到屋企。」
COLLAR排舞室當屋企
提到演唱會《COLLAR “GAME ON” LIVE 2025》進入倒數階段，各成員積極備戰，Day表示：「排練得如火如荼，最地獄式係排舞，每日都排舞，因為我哋每首歌，就算係今次嘅新歌都係跳唱，希望帶到更好嘅跳唱演出嚟畀大家睇。」Ivy透露每次演唱會排練過程期間，都會遇上有成員感冒，今次亦不例外，她笑言自己是倖存者，指希望各成員早日回復健康。芯駖表示：「上次演唱會，個人覺得好多地方可以改善，唔覺得好大壓力；今次觀眾會睇到平時未必見到嘅COLLAR一面及表演。」Winka表示︰「rundown同舞台設計，同上次都差好遠，希望大家會期待一下。」
