有港鐵乘客早前於列車行駛期間，懷疑在好奇心作祟下，無端端開啟車廂內的「緊急窗」，之後卻唔識收科，驚險地未能立即把窗關上。網民似乎見慣風浪，指過去曾目睹幾次同類場面，並大爆開啟「緊急窗」後的景況。詳情見下圖及下文：
港鐵乘客無端端開車廂「緊急窗」 唔識收科驚現險況逐張睇↓↓↓↓
車窗驚險搖動
樓主本月11日在社交平台Threads上載影片發帖，指「其實就好Ｘ佩服啲渣人們嘅『腦洞大開』，究竟係要幾戇Ｘ先會無端端去搞嗰個位」。
短片長約13秒，開始時見到「緊急通風窗」已被打開，涉事的其中一人正試圖關上，但不成功，車窗繼續驚險搖動，幾經嘗試後，事主終找到關窗法門，與同行的乘客合力按著手把，發力成功關窗。正在兩人埋首關窗之際，滿載乘客的車廂同時傳出即將到達尖沙嘴站的擴播。
樓主在回應網民時補充「嗰陣時真心ＯＸ晒嘴，正常淨係挨落去，有乜理由會開到個窗，除非佢個頭後面黐咗個鈎」。
另有網民好奇「坐喺度嘅人冇人阻止佢？」，樓主回應指「望到嗰陣佢已經整開咗，阻唔到佢」、「影之前已經有鬧佢，不過人哋聽唔明廣東話」。
相關閱讀：港鐵車廂驚慄11秒 乘客離奇騷動 露膊女瑟縮門邊 真實原因曝光……
網民：開咗之後好Ｘ嘈
有見過大風浪的網民指「早兩日先見到有個俾人開咗」、「喺港島線見過幾次…，開咗之後好Ｘ嘈…」。另有人估計「隧道好污糟，開窗會抽晒啲灰塵入嚟」。
還有人聯想到搭飛機，稱「好彩唔係搭緊飛機咋」、「同坐緊飛機想打開隻門嘅人一Ｘ樣」、「飛機拉逃生門嘅人都有，坐鐵路拉呢個有幾出奇」。
還有網民搞笑地替「緊急通風窗」代言，指「成世窗都冇諗過會俾人開」。不過也有人講出了心底話「我都想開呢個窗好耐」、「多謝，我細個一直想知開咗會點，宜家知了」。
相關閱讀：短褲男倒掛車廂滿臉通紅 扮蝙蝠搭港鐵？ 沿途做呢個動作吊吊揈
港鐵與機電署有列明用途
港鐵回覆《星島頭條》查詢時表示，「該通風窗是讓乘客在緊急情況下開啟以作通風，通風窗打開不影響列車的正常及安全運作。若果乘客見到有通風窗被打開，可以聯絡車站職員，以便作出跟進，乘客亦可以自行關上通風窗」。
根據港鐵《日日安全搭港鐵》小冊子「列車上緊急設施」一欄，當中提到「列車上設有不同種類的標準緊急設備」，在「緊急通風窗」部分列明「如有需要可開啟緊急通風窗作通風之用 」。
機電署網站「鐵路、緊急情況、列車緊急設備」欄目內，有提到車廂內的「緊急通風窗」，指「在緊急情況下， 如獲列車車長的指示， 可開啟緊急通風窗作通風用」。
資料來源：l7l_ivn.0509y＠Threads
相關閱讀：男子港鐵車廂大嗌嚇壞乘客 幾十人砰砰聲湧車尾逃命 目擊者憶述驚險一刻↓↓↓↓
網上去年中流傳多張港鐵車廂地上散落雜物，一片狼藉的相片，熱心的目擊者報料還原事件，形容情況「非常恐怖」。網民看過事情由一名男乘客突然大叫而起，其他乘客受驚湧向車尾等相關情節後，驚覺原來2024年6月29日下午3時許，本港曾發生嚇人的港版《屍殺列車》情節 ——↓↓↓↓
