超市換蛋惡行驚現進化版。一名長髮女子懷疑在超市內砌大袋番薯時，被其他顧客撞到正。網民鬧爆「一袋價錢併夠一袋半」之餘，似乎見怪不怪，有人抖出更誇張的情況，自爆曾目擊有人「將一枝梘液倒滿另一枝然後攞去俾錢 」。詳情見下圖及下文：
超市換蛋惡行進化版？ 長髮女咁樣砌大袋番薯 網民見過仲誇張逐張睇↓↓↓↓
相關閱讀：超市貴氣婦人以貌取蛋？ 擅開包裝係咁搖 網民嬲嬲：俾個燈膽佢照下
樓主：我睇佢唔係換 係砌大袋啲
樓主7月30日在社交平台Threads上載相片發帖，指「之前見到大家post（發帖）出嚟，話啲人喺超市打開包裝換嘢，講真，我未見過…直至今日…我睇佢唔係換，係砌大袋啲。C9（師奶）…你跌咗嘢，跌咗個公德心呀！」。
相中見到長髮女正堆首選購番薯，推著的購物車上放著一包袋口被大大打開的番薯，長髮女雙手則正在打開貨架上另外一包蕃薯。不過，相中沒有實際見到砌大袋番薯的過程，雖然如此，有網民從樓主的描述，形容此舉為「現實版——鬼鬼祟祟偷番薯」。
不少人也排隊鬧爆「咁不要臉」、「咁貪心嘅」、「咁係偷嘢喎」、「砌大袋啲＝偷」、「同偷有咩分別」、「下次一律拍片」、「一袋價錢併夠一袋半」、「「唔係呀嘛⋯⋯番薯⋯⋯」、「佢應該重覺得自己好Ｘ醒」。
有人感慨「嗰幾蚊嘢…唉」、「換蛋見得多，咁樣做又未見過」、「值咩錢同食得幾多吖番薯，折墮到咁」、「佢咁㗎！呢啲番薯好平咋喎。咁都做得出」、「⋯⋯番薯咋喎，大佬，番薯都要搞成咁，番薯自己種可以免費添」。
相關閱讀：沙田長髮女擅開包裝揀蛋 調來調去、摸來摸去 被發現後竟然咁反應
網民：換下換下其他唔夠重
有網民則奇怪現場「無職員？應該算盜竊？」，樓主回應指「冇呀…啲職員喺晒收銀位」。有心水清的人更加細心地分析「如果這樣換，換下換下，其他包裝食物會唔會唔夠重量，這樣超市或產品公司隨時俾人告呃重量」。
不少網民自爆曾在超市內目擊類似惡行，稱「我都見過」、「我見過，換雞蛋」、「之前係沙田ＸＸ見過」、「有啲阿婆現場摘晒菜先買」。還有人自爆「我見過人喺旺角ＸＸ換橙，揀啲靚嘅入自己個袋」、「見過有人打開兩盒蛋，然後揀晒大隻啲組成一盒買走」、「我喺超市見過有人將一枝梘液倒滿另一枝然後攞去俾錢 」、「我喺屯門ＸＸＸＸ都遇過咁嘅人，即場搵啲職員篤Ｘ佢」。
網民：呢個C9唔係換係偷
有網民更詳細講述所見所聞：
•見過ＸＸ有一箱箱奇異果賣，有個阿姐盒盒都開下，將大隻嘅放埋一盒，眼見有至少30盒，佢全部都開過；
•話俾職員知！我試過見到兩個女人打開人哋袋車厘子逐粒揀，用鄙視嘅眼光望住佢哋，點知佢哋望一望我，繼續⋯；
•我都見過，身光頸靚OL look（辦公室女郎打扮），我話咁都得呀，佢仲答我係呀你唔知咩；
•我試過鬧過一位上咗年紀阿姐喺太古ＸＸＸＸ換桃，佢話打開睇下，俾我即話佢，我見到你攞起個桃，個個攞過仲得掂。之後佢口噏噏話我咩；
•以前我只係見過啲人換蛋，打開其他盒將啲大隻嘅換佢自己個盒細隻嘅，佢買嘅數量係一樣；但今次呢個C9唔係換係偷，超市有CCTV（天眼）可以報警拉得。
資料來源：for9talk＠Threads
相關閱讀：太古城大媽超市放肆揀蛋 逐隻攞嚟睇都唔夠 網民因一舉動看不過眼 提供買靚蛋不敗妙法↓↓↓↓
太古城一名大媽早前在超市放肆揀蛋，被批評逐隻攞嚟睇都唔夠，網民更因為一舉動相當看不過眼。有鑑於此，有精明的消費者慷慨地提供了一個必然買到靚蛋的不敗妙法↓↓↓↓
