哈哈哈，乜原來佢咁勁 喂？
講邊個？正是講今年DSE「超級狀元」黃穎妍爸爸黃偉強！
上周四《頭條日報》A1頭條，大字標題《會考十優虎父無犬女/女拔生成DSE超級狀元/少向爸爸求助/志向留港讀醫》。
小弟一睇，咦 點解超級女狀元爸爸咁熟口熟面 ？定神再睇清楚，喂喂，佢咪黃同學？
同一時間，手機已彈出N咁多條短信，全部為——恭喜黃偉強同學「出產」超級女狀元！
佢係我乜 同學？相當有趣。
十一年前小弟退休，因有不少電台及專欄粉絲，要求跟我去食去玩去旅行，尋找人生大樂趣，不過 各位，我為乜要帶佢 去呢？
終於上天指示——阿碌，將一切變為慈善活動咪出師有名囉。由此，「慈善同學會」出世，如今已經11歲。
同學會由幾十人開始月月成長，變到如今四百幾人。為免成員太濫太雜，不能係人想入都收，故設下過五關斬六將程序。
首先申請者要親自執筆詳細介紹自己家庭、教育及工作背景，並講出點解想加入。
收信後，校務委員會若覺得申請人具誠意，就集齊十位，來次晚宴見面。之後，若留下良好印象，即給予機會參加三個月活動，再詳細觀察性格、人品及價值觀，看看能否融入同學會的既定文化，能Pass者就正式做「同學」。
因收生嚴謹，申請者的質素越來越高，不少是入會後才發現—— ，乜原來佢咁鬼勁？
黃偉強斯文低調，平時參加活動不多言，屬有教養的謙謙君子。若非阿女「蓬」聲爆出，記者都唔會追查到小黃原來是會考十優狀元。當年佢接受訪問，最令人印象深刻為透露會到美國留學，但補多一句：「決不移民，一定回港！」
