一名大叔早前帶備一個白色膠袋，早上未夠6時在巴士上食瓜子當早餐，剝完一包又一包。有同車乘客晨早在寂靜的巴士上，因受不了剝殼的咯咯聲而出面指責，並把大叔的相片放上網公審。結果反應兩極，有人力撐樓主，有人卻因為一原因而非議樓主的舉動，反而有點同情大叔的遭遇。詳情見下圖及下文：
大叔搭巴士食瓜子當早餐被鬧滋擾 咯咯聲剝完一包又一包逐張睇↓↓↓↓
樓主親自回應質疑
匿名的樓主本月9日在facebook群組「大埔 TAI PO」上載相片發帖公審，指「現時朝早05:45。食完一包又一包瓜子，有啲嘈，成車人閉目養神，大叔都算好有用膠袋袋好垃圾。利申：開第二包時忍唔住鬧咗佢，佢話我好嘈先啱」。
在今次巴士上進食事食中，回應的網民並非異口同聲力撐樓主，反而提出質疑「你厚多士」、「戴個耳機聽吓Kpop（韓國流行音樂）啦」、「阿伯唔望你唔同你傾計，自己靜靜地一個食瓜子都唔得」、「唔係偏幫，巴士上食嘢確實唔啱，但食瓜子聲你都覺得嘈。的確幾新穎」。
樓主於是現身自辯「嗰時6點都未夠，當全架車都唔出聲，淨係得返佢啲剝瓜子聲，可以講仲衰過開大個喇叭，其實佢唔嘈，我唔會出聲」。
相關閱讀：食完一個又一個 絕世好男友巴士上搣橙餵女伴 地點錯配遭網民非議
有不少網民力撐樓主
吾道不孤。也有不少網民站於樓主這邊，指：
•又重複，又持續嘅聲係好煩。環境好靜嘅時候，更煩」；
•等如擘大個口𡁻嘢，食到JapJap聲，係既失禮自己，又影響旁人。係好嘈嫁喎；
•又重複，又持續嘅聲係好煩。佢重復得嚟，每一下又有啲唔同，令人躁動。環境好靜嘅時候，尤甚更煩；
•其實好多人聽覺好靈敏的，咬瓜子的重複聲音，對於聲音敏感／有恐音症的人嚟講，係幾滋擾，尤其在寧靜的早上。
另有人主持公道，指出「其實巴士上嚴禁飲食」、「巴士上係唔准飲食嘅，點都係佢唔啱」、「巴士食嘢本身就唔啱，點解會有人會話返樓主？有冇咁鍾意包拗頸、唱反調」。有人則緩和氣氛，笑說「阿世伯下次表演咬蔗！」。
•九巴乘客須知：https://www.kmb.hk/notestopassengers.html
•城巴乘客須知：https://www.citybus.com.hk/_common/pdf/PXinfo_chi_2023.pdf
相關閱讀：城巴車長勒令榴槤客落車掀法律爭議-帶榴槤唔准搭巴士大律師指這情況下或違法↓↓↓↓
有網民目擊有城巴車長，要求攜帶榴槤的乘客落車，他直擊該車長「頂唔順」榴槤味大嗌：「有榴槤味會影響到我揸車！」事件掀起網民爭議相關的法律問題：「帶榴槤搭巴士犯法？」詳情如下↓↓↓↓
