有住東涌公屋已5年的網民發文分享，指初時獲派東涌覺得好遠，但住了5年後卻完全改觀，他提出5點東涌公屋的優點表示：「住落真係唔想走。」
他表示正考慮抽居屋，「都係諗住東涌區。」其論點掀起熱議，詳情如下：
派東涌公屋嫌遠？公屋男住5年東涌全改觀 提5點完勝他區：住落真係唔想走↓↓↓↓
有網民在「公屋討論區 – 香港facebook群組」FB專頁發帖表示，自己在東涌已住了5年，「見好多人覺得派東涌好遠，我最初都覺得係，但住落真係唔想走。」樓主提出住在東涌的多個優點，綜合有五點包括不會出現「樓望樓」：「你問心有邊個地區唔會樓望樓咁擠迫，我住緊嗰度前邊仲一望無際，唔使打風都超大風。」而且交通又方便，「無論去到邊區都有車返屋企，區區都有E車必入東涌，三更半夜仲有NA車」。
由東涌去其他地區亦非常便利，「返澳門過珠海港珠澳半個鐘去到，出旺角九個站就到30分鐘車程將軍澳都唔得」，他又認為「東涌出荔景都只係3個站，仲快過荃灣出。」樓主表示，正考慮抽居屋，地點都是東涌區，「之前講有私人參建，10年免審查，都係幫你向上遊，唔係我10年後可能交2倍租以上……」
網民質疑「東涌出荔景快過荃灣」
帖文引發網民熱議，有網民質疑樓主提出「東涌出荔景快過荃灣」的言論，指出：「東涌去荔景點會快得過荃灣去荔景呢？東涌去荔景地鐵26分鐘，荃灣去荔景地鐵9分鐘。」事實上，網民提出的時間符合港鐵App的車程資料。
但樓主則以個人經驗力撐論點：「東涌地鐵去荔景26分鐘？我由上地鐵開始計去青衣都係10分鐘，我太子返工，41分上車，12分就落車食埋早餐啱啱好30分到公司。」不過，網民始終對該論點抱持質疑，認為不符實情：「師兄坐直昇機？」「東涌去青衣，冇可能10分鐘，欣澳去青衣都要13分鐘。」
東涌街坊力撐：空氣好 月票出入唔算貴
帖文又引出東涌街坊留言支持樓主，他們亦提出住東涌的好處：「空氣好。」至於有人擔心「車費貴」，有街坊表示：「成日話東涌車費貴，買月票加埋政府補貼就唔算貴，起碼平過天水圍出九龍市區。」「真，如果東涌同將軍澳畀我揀，我都會揀東涌。」
網民指區區有優點：住屋最緊要適合自己就好
有網民認為無論住那區心態正面最重要：「東涌係正的，所以心態好緊要，前幾年皇后山入伙都Ｘ到Ｘ街啦，但係依家又住滿人。」
有網民表示，各區皆有優缺點，因人而異，「住屋最緊要適合自己就好」，他以自己為例，當年獲派秀茂坪公屋安達邨，當時有人嫌棄，認為「交通不便…潮濕…又乜又物」，但樓主卻覺得適合，「全部都影響唔到我，我安達住落習慣咗很自然有歸屬感……所以心態係好緊要。」
同場加映：首派井字型公屋「小朋友覺得驚」 港媽苦惱：要唔要好？網民咁睇↓↓↓↓
