一個寫有「Lok Yi生日快樂」的蛋糕，日前被發現離奇擱於荔枝角街頭一垃圾桶頂。如此甜蜜卻又孤獨的畫面，讓網民生出無限聯想。
樓主本月9日在社交平台Threads以「Lok Yi生日快樂」為題上載相片發帖，指「Lok Yi！祝你生日快樂！你個蛋糕喺永康街同汝州西街交界個垃圾桶！」。詳情見下圖及下文：
一封溶化的情書 生日蛋糕離奇擱荔枝角垃圾桶頂逐張睇↓↓↓↓
相關閱讀：情人節金鐘站男廁棄花背後藏故事？ 網民巧合中環撞正目擊前傳
孤獨的生日蛋糕
相中慘遭擱於垃圾桶頂，在日光下置於紙盒內的蛋糕，寫有「LokYi生日快樂」字樣。如此孤獨的生日蛋糕，好比一封正在溶化的情書。回應的網民看過圖片後，有人指「我…第一次見依款垃圾桶」；有人則生出無限聯想：
•是一個有故事的蛋糕；
•呢件蛋糕背後有位崩潰嘅兄弟；
•會唔會，只係綁完鞋帶，唔記得拎返？；
•肯定條女捉到佢偷食掉低個蛋糕就喊住走；
•鍾意你嘅送粒糖都開心，唔鍾意你嘅連食都費事；
•唔知點解，睇到有啲心痛⋯⋯希望Lok Yi 收到呢份心意！；
•已經有畫面，男嘅偷偷地想送驚喜，點知俾佢見到Lok Yi攬住另一個；
•會唔會係離咗婚嘅爸爸，想為個女慶祝生日，但係媽媽拒絕佢同個女見面。
相關閱讀：紫心蛋糕離奇擱港鐵月台垃圾桶 網民：背後有個傷心故事
網民替Lok Yi代言
甚至有人替Lok Yi代言——
•Lok Yi：呢排減肥唔食得！多謝！；
•Lok Yi : 今日唔係我生日wor（喎），你記錯咗邊條女生日。
有精明眼網民則稱「藍莓芝士蛋糕好似幾正喎」。有人痛惜這麼一個大好的蛋糕被棄置，表示「個蛋糕好可憐，一出世就被拋棄」，樓主也現身回應：「連俾人切嘅機會都無就收咗皮」。還有人從現實情況去估計「今日喺香港叫Lok Yi 應該都收到呢張相 or被人tag」。
最後，有民網上載現場垃圾桶頂空蕩蕩的相片，留言指「（蛋糕）已俾人接走咗」；樓主也留言「探子密報！Lok Yi接番走了」、「Lok Yi終於同阿榚相認啦」，還有網民留言「Lok Yi食咗個蛋糕了」。
更有人好心提醒「應該好快溶／壞」、「咁熱！可憐的蛋糕溶了」、「咁熱天氣，擺咁耐真係唔好再俾人食，會食死人」；另有人錯重點地提到「個（垃圾桶）窿細到想掉個蛋糕都掉唔到」。
資料來源：itxtaxi_9＠Threads
相關閱讀：明星御用蛋糕店被揭港鐵運貨放地上 網民：點樣放得落口 店家回應再掀爭議↓↓↓↓
今年初，一間明星御用的網紅蛋糕店被揭發以港鐵送貨，而且送貨時直接將蛋糕放地上，惹來網民熱議，有網民擔心衛生問題，質疑：「點樣放得落口。」
該蛋糕店位於荔枝角一所工貿大廈，擁有不少明星顧客，包括：林作、王君馨、江嘉敏、鍾舒漫、黃美棋等藝人的生日蛋糕，甚至結婚蛋糕均由該店製作。店家在社交媒體就事件回應，再惹來網民爭議，詳情如下↓↓↓↓
