曾智華
現實世界，有強權，冇公理！
所以，二次世界大戰後，各個國家都知，要生存，就要強化自己軍備。問題在，投資軍備乃一場高度昂貴的燒錢遊戲。中國當年一窮二白，真真正正窮到褲穿窿（我輩「有幸」真正目睹外，更要頻頻著大量衫褲返內地接濟親戚），咁點花錢搞軍備？
你喜唔喜歡毛澤東都好，佢在當年就是有這種大氣魄大視野，強調——寧要核子，不要褲子（何其生動的形容）！
佢講時，小弟還是在童年期，無法領略箇中要義。但飽經戰亂及曾被日本人和英國人「踢蘿柚」的上一輩，完全認同支持，覺得只有如此，中國人才有機會不再任人凌辱。
中國咁諗，當然，「友好國家」包括北韓及蘇聯也咁諗，於是齊齊窮到冇飯食都要研發核子彈，以保護自己。
二次大戰後，世界基本和平\u5497半世紀，但\u22ef…近年又來喇，\u569f乜？就是各國只顧自己利益（睇你企邊，冇乜黑白對錯），又開始互相恫嚇。你冇核武就大鑊，你睇睇早幾年的伊拉克、阿富汗，近年的烏克蘭、巴勒斯坦，最近的伊朗，真係畀人玩到殘都冇乜得還手。
點解美國唔恰中國、俄國、北韓？同你有親乎？當然是美國佬自己身嬌肉貴，唔敢攬炒，故才「搵食行遠\u5572」。
再睇盤局，「\u510d佬特」也是被心狠手辣的納坦雅胡玩殘，牽著鼻子走。
小弟唔喜歡特朗普，但深信佢根本唔想戰爭，只純愛威，生意佬本色，想我先發大財再益\u5413你，做其世界大佬，就咁簡單。
點知遇上「狐狸納」，逼到\u510d特唔落水參戰唔得，簡直將呢個「世界最有權力的人」玩弄股掌中，論玩Dirty Politics，納坦雅胡絕對是無賴之霸！
