(曾智華)
今日標題講乜？講一項生活習慣被打亂！
過去十年，小弟每日的生活日常，為五點半起床，梳洗後睇新聞及網上時事分析，六點九出門口到茶記，坐回日日坐的二十二號\u67b1，食日日食的走油蛋治熱奶茶加隻蕉。
七點磨到九點半。兩個半鐘搞乜？先打開電話睇睇有乜訊息，急就覆，唔急睇完就算。
然後，透過社交平台向十多萬追蹤者講早晨，附以一張令人開懷照片（大自然美景、美食、寵物\u22ef\u22ef），再發埋所有朋友。對，其實我完全唔知有幾多人會睇（喜歡睇？）\u35ce，不過，長輩教落——禮多人不怪，朝朝主動向人講早晨示好，自己也開懷。
不過，前日大件事，晨早想用社交平台時，發覺突然被鎖。以往鎖過幾次，全為被投訴「違反社交規定」（都唔知係乜，邊個有權界定），故罰「停賽」一段日子，之後會恢復。當然，每次停賽皆會加刑。
人老精，鬼老靈，好，既然如此，避得就避，反正冇得拗，鬼叫這是免費午餐。
但今次杰撻撻，一鎖就冇話幾時用得，只叫你重新搞雙重驗證，然後，有N咁多步驟要做，最冇癮，猛問你密碼。
呢個世界，早就變成一個荒謬的「密碼世界」，生活上幾乎一切（就快放屁！）都有密碼，閒閒\u54cb記幾百個，你估我係AI咩？真係人都癲。
終於，搞唔掂，求救N人，仍無法處理。
冇\u5497社交平台得唔得？當然唔使死，不過，好多\u5622唔方便及失去好多樂趣囉。
求呀求，終於求到銀髮模特兒公司「老正工作室」老闆張艾渟（Zip）。嘩，佢真「老正」兼老友，二話不說，用足一晚時間使出秘技，終於翌日我收到訊息：「碌Sir，搞掂，通返啦！」豐富晚餐致謝，冇走雞\u561e。
