公屋戶買「綠置居」踏上置業階梯原本是大好事，但有單親港女卻因為其戀愛腦母親的一個決定——擬邀新男友同住新屋，連附出的12萬訂金也想不要。即使有可能蝕大本，但網民幾乎一面倒力挺撻訂，並安慰「12萬當炒燶股票蝕咗啦！」。詳情見下圖及下文：
買「綠置居」落訂$12萬 戀愛腦媽媽擬邀新男友同住 單親港女愁爆想撻訂逐張睇↓↓↓↓
樓主因這問題與母親嘈交
樓主昨日（1日）在社交平台Threads發帖問網民意見：「我同我媽一齊申請咗『綠置居』，我交咗12萬訂金，最近佢不停同我講，佢想佢嘅男朋友之後同我哋一齊住。我係一個女仔，我點可能同個三唔識七嘅麻甩佬一齊住呀。於是我哋就因為呢個問題嘈咗好多次」。
樓主還提供「背景資料」，指「我媽已經冇乜工作能力，個麻甩佬都係廢柴一個」。樓主於是詢問網民「如果繼續交易，我係咪損失會更加大？定係要及早止蝕？我應該點算好？」。
在回應網民「錢係你自己俾？」、「無理由撻訂喎，唔見12萬」、「你阿媽幾歲，今次唔要之後仲買唔買？」的連串提問時，樓主一一回答，指「訂金我俾晒，相信裝修佢都冇乜錢俾」、「如果唔撻，繼續去嘅話我仲會使多咗錢，唔知到最後賣樓收唔收得返個本呢？ 」、「（母親）未夠50（歲），唔買啦，我同佢都反晒面」。
再被問及「做乜唔一早諗清楚先，12萬如果要撻訂好慘」、「你係咪一早預咗自己負責出錢裝修、供樓？只係諗住兩母女住，唔係無端端多條茂利？ 同你阿媽講明唔好俾個男人嚟得唔得呀？」，樓主無奈地稱「唉，我都估唔到結果係咁」、「原本講明係我地兩個自己好地地咁住，我先俾錢落訂。（媽媽）依家識咗條佬，就話想帶人上嚟一齊住一齊供」。
網民力撐撻訂
回應的網民力撐撻訂，有人快人快語，直言「唔使諗，蝕12萬好過」、「12萬當炒燶股票蝕咗啦！」、「12萬你努力少少，1年都儲到」。有人感嘆「又係一個無男人唔得嘅阿媽，終止交易，自己留錢搬出去住」、「通常有戀愛腦嘅呀媽識咗第二春之後，就連仔女都唔要，好似上咗身咁」、「撻訂，你一生人只會後悔蝕咗12萬，唔撻訂，你要後悔嘅嘢唔係用幾十萬衡量到」。
相關閱讀：$500萬買200呎單位 供樓供到80歲 單身中女因一淒涼理由置業 網民心酸
網民掏心掏肺回應
不少網民更加熱心地發長文，當教細姪女般掏心掏肺地回應；有人更加視為同是天涯淪落人，自爆類似經歷：
•止蝕！公屋都係交幾千蚊租，你一買樓要供都一萬up（起）！你一個供樓仲要養全家！諗清楚！！
•不要和媽媽男朋友一齊住。不止是經濟負擔，對你個人亦有危險。這種人，易請難送走！
•12萬你仲蝕得起，一層樓比人吞咗就蝕得唔抵，比人又食又拎，你媽第時實唔幫你，今次蝕12萬睇清楚你阿媽要樓定要條仔仲抵。
•12萬就當破財擋災啦，唔好嘗試同阿媽講道理，仲要係戀愛中嘅阿媽……仲叫你同陌生男人一齊住？咁危險完全無考慮過你人身安全咯。有機會嘅話你搬走啦，錢財事小、安全至上。
•一定止蝕，我老母直頭同另一男人結埋婚（個男人都係窮到燶，住臨時公屋，我結咗婚生埋小朋友先識呢個男人），佢妄想過一齊同我住，我有個幾歲小朋友的，我當面拒絕了，同講咗無可能，當下如佢堅持我會即時反面。
•如果佢哋結咗婚，有法律約制住對方姑且都要諗諗啦，報稅都可以寫埋供養廢柴一個，否則真係無條件白養多一個麻甩佬，分分鐘咁就養一世。止蝕吧。同媽媽講叫佢去條佬嗰邊住就真，你嘅未來都有家庭都要同老公仔女住啦。
•千祈唔好，寧願止蝕離場住返公屋。以前我住公屋，老母就係問都唔問俾當時bf（男朋友）搬入嚟住。我係男都頂唔順，最後因為家用問題吵大鑊我決定離家出走。條麻甩佬都係廢柴酒鬼一個，有本事就唔使識條女搬去人哋屋企住。何況你係女仔，好唔方便。萬一有咩事蝕底都係你。
•畢竟佢係你媽媽，你媽媽無工作能力，你同媽媽住係應該，始終佢養大你。但個男人就真係唔好比佢入屋，入咗你要佢走就真係好難，你同你媽媽講要你定要個男人，如果要個男人，你就同佢講無可能，麻煩你哋自己諗辦法，佢絕對唔可以入屋，你要強硬啲唔好心軟。加油。
•由你阿媽提出呢個咁自私嘅要求，你就當呢12萬係斷捨離你哋段母女關係。佢揀個男人，即係唔揀你，唔好講佢同你阿爸係因咩事分開，但未來呢個男人亦唔會係佢最後一個，之後仲有好多契家佬要你幫手供養。有時原生家庭嘅關係對人係一種負累，割捨先有幸福嘅開始，加油祝你幸福快樂。
•其實呢個係一個長遠問題，呢個阿媽完全唔會為個女著想嘅，速逃！目前最好嘅情況係蝕咗12萬訂，為咗人身安全快啲搬出去，唔使供樓加養埋阿媽+佢男友。樓可以唔買，大不了一世租樓，「綠置居」呢條路行唔通，可以再諗其他方法，買樓不急，12萬搵得返嘅，反而阿媽隨時帶個三唔識七嘅男友返嚟呢下要急啲處理。
•如果唔搬走繼續同一間公屋住，遲下你媽得寸進尺要你養埋佢男友嘅機會好大。唔搬走嘅話，面對嘅情況可能係二對一俾你阿媽逼走，或者你留低俾家用，空間同安全少咗，仲要同個唔識嘅男人一齊生活。就算你阿媽同呢個男友分手，都難保有下一個男友，到時你媽又會再夾你要同陌生男人一齊住。如果你唔搬出去，就要預咗同你媽長期抗爭成日嘈㗎喇。
•女仔要保護自己。你阿媽同佢男朋友同居，佢梗係要自己搞掂啦，佢期望個女養佢去溝仔？同埋仲有，你阿媽想佢男朋友搬埋嚟一齊住，但係佢都未介紹佢男朋友俾你識喎，呢個真係唔得。一定要say no（說不），你阿媽可以繼續同你一齊住，不過佢點都唔可以帶男朋友返嚟屋企過夜，更加唔可以喺你間屋嗰度同居。如果你阿媽一定話要帶男朋友過嚟住，就當係用12萬睇清楚你媽咪份人。
•一定係止蝕撻訂，就算佢而家暫時應承咗唔一齊住，買咗「綠置居」你就比層樓綁住，你媽要帶條佬上嚟住你係阻唔到㗎，佢到時又喊又賣慘，話一個人養到你咁大咁辛苦，點解唔可以3個人一齊住？都係想自己老咗有個伴，但又想繼續照顧你blar blar blar（諸如此類）…… 一定係講呢啲，到時你一時心軟就出事！萬一住得唔開心，你又供緊層樓，都未必有錢搬出去 ，到時你就會怨自己點解咁蠢，情緒又會好差，供樓租樓壓力又大。所以最好都係撻訂留返喺公屋度，頂得順嘅就繼續自己再儲錢買樓，頂唔順嘅都有錢搬出去住！
•止蝕！！！買咗，住咗，到時頂唔順嗰個一定係你，佢哋會賴死，會搬嗰個一定係你，但樓係你供嘅，又要供樓，又要搬出去租屋，而家計數，蝕12萬，停！！！而家嘅樓市大家都唔睇好，就算你層樓120萬，跌多10%都冇咗12萬，如果層樓240萬，跌5%就冇咗12萬，所以，而家會肉赤，睇遠啲。12萬應該可以買個乾手淨腳，落得清靜。以後再從新出發，你咁乖，咁孝順，咁年輕已經識打算，將來一定有機會再買樓，而且等你媽媽今次有個教訓，明白你係強硬嘅，唔合理嘅唔會盲從，將來你和她會易相處啲，好多時，父母係俾孝順仔女縱壞嘅，唔合理嘅事情，唔聽唔做唔等於唔孝順。
不過，也有少數人建議勿撻訂，並教路「我係你嘅話我會繼續買，但係我拒絕我阿媽個男朋友一齊住」、「我唔會撻，反而開條件，一齊住就要share（分擔）供樓，如果佢真係你講咁廢，每月叫佢俾1萬元，佢應該唔會想一齊住」。
資料來源：conceptshop68＠Threads
相關閱讀：930萬首期6成按揭 豪宅男盤點「十年樓奴」成績嘆悲慘：「好似供咗一場空！」↓↓↓↓
有港男十年前付930萬元首期買豪宅，他做六成按揭加發展商2按，近日他盤點當了「十年豪宅樓奴」的成績，數據公開後掀起網民熱議，他自嘆：「悲慘嘅地方就係，十年過去，好似供咗一場空咁。」但就表示買樓仍有優勝之處。
事主公開十年內各項供款明細，與及相關資金的可能投資收益等數據，細節如下↓↓↓↓
