有貪心的士司機疑劏客劏正行家，中環去太子開出一口價250元，拒絕按的士咪錶收費，結果遭到最在行的整治。網民從中學到嘢，表示日後對方即使開價5000元都一於「落疊」上車。詳情見下圖及下文：
中環去太子一口價$250 司機劏客劏正行家慘遭咁樣整治逐張睇↓↓↓↓
樓主：一係起錶一係去差館
樓主5月28日在社交平台Threads上戴的士咪錶相片，以「的士司機想劏X香港人經歷」為題發帖，放上一段長文講述事件的來龍去脈：
「話說前排同朋友去中環飲完嘢就截的士走人，咁有個朋友就醉咗，的士司機望到之後就話收$250。我以為係收$250清潔費，心諗，哦，嘔咗先算，咁我哋就上咗車同佢講話去太子，之後佢又話去太子收$250。我心諗你都戇ＸＸ，跟住就唔Ｘ理Ｘ佢。之後開車碌咗幾十米，佢就叫我哋俾咗錢先——
我：俾咩$250，我跟錶俾錢。
的士司機：去太子係收$250，啱啱講咗。
我：我淨係會跟錶俾錢。
的士司機：（又唔知係度吟吟沉沉，唔知吟乜Ｘ）
我：你一係就依家起錶，一係就去差館。
我：使唔使我幫你起錶？
條Ｘ樣ＸＸ下唔知點算，我自己又有揸下的士，熟晒的士點運作，諗住幫佢㩒埋起錶掣。之後佢就死死氣地㩒咗起錶，再補一句：『你話點就點啦，你哋人多勢眾』。
聽完之後，我都廢Ｘ事再出聲ＸＸ佢，因為真係好Ｘ攰。真係估唔到依家啲的士司機咁Ｘ明目張膽劏Ｘ香港人。Ｘ你，陀地都夠膽劏，以後大家見到呢啲Ｘ街真係唔使驚，唔好落車，夠膽就唔好做生意慢慢玩」。
相關閱讀：惡女搭的士唔跟咪錶找數 為呢個銀碼喝令司機減價：叫你找呀！
網民：個遊戲咁樣玩可以喎 開$5000都話得
有細心的網民留意到樓主上載的相片「個錶無打隧道費」，樓主回應表示「未打啫，你估的士司機會豪隧道費俾你咩」。另有人附和樓主的做法，稱「其實我又覺得個遊戲咁樣玩ok wor（可以喎），佢開$5000都話得，去到就話照錶俾，畢竟錯嘅又唔係乘客」。樓主也現身回應指：「本身係諗住咁㗎。點知佢竟然叫我俾咗錢先」。
有網民感慨地稱「呢啲真係Ｘ街嚟嘅，個市都唔好，仲要Ｘ劏客，樓主做得好」、「去太子咪又係差幾十蚊，咁都要劏，加埋雙程隧道都差唔多$200啦」、「我啱啱都俾的士司機劏完，雖然係幾蚊雞，但係都好唔gur（順氣）」。
其他行家留言講述類似經驗
事件引出行家留言，講述自己的類似經驗，當中的共同點都是被兜路後，表明自己也是行家身分，以嚇窒對方的劏客行為：
•諗起有次（葵涌）石籬擺低車，太懶坐返的士出九龍。明明轉兩個彎就去到上路，個的士佬兜我路行下路，仲要左兜右兜，同佢講行上路又兜。出到九龍平時百二有得找，嗰次行到百四幾，然後找完錢個的士佬問我，「咁早返先返屋企，收工呀？」，我答返佢「係吖，啱啱的士收工擺低車吖」。個的士佬即刻極尷尬「哦哦哦係呀」，即刻門都閂唔切踩油走人。
•有次收工喺柴灣泊車，搭N118（通宵巴士）去女拔萃轉的士返彩虹，佢諗住同我行彌敦道，最後我由佢兜，兜兜下同佢講我都係揸的士，佢即刻驚咗，最後落車收平廿雞（20元）。
相關閱讀：的士「電騙黨」瘋傳！一招以「轉數快」疑呃錢 網傳屯門元朗有司機中招↓↓↓↓
的士「電騙黨」瘋傳！有的士司機今年1月15日晚上接載一名懷疑「電騙黨」男子，該男子一上車竟叫司機先為他的手機「叉電」，未開車已企圖透過「轉數快」過車資，並要求司機找回現金，相當離奇。
聲稱險被騙財的司機，在「的士司機資訊網」FB專頁發帖，公開事發時的車cam片，揭露疑似「電騙黨」涉嫌行騙過程如下↓↓↓↓
