重磅新股寧德時代（3750）明日（20日）正式在港交所掛牌，今日（19日）收市後已開始暗盤買賣，備受市場投資者關注。投資專欄作家唐牛認為，寧德時代上市首日升幅估計不會太大，因為要同步睇住A股走勢，但勝在一手金額夠大，只要升5%都有千元利潤，短炒客可吼實食糊機會；紅蟻資本投資總監李澤銘亦指，寧德時代H股定價較「進取」，發行價與A股幾乎持平，加上其體量巨大，大幅爆炒的可能性較低。
李澤銘又認為，若投資者計劃短線獲利，暗盤時段前15分鐘比較關鍵，因為「一般新股暗盤開盤初期價格相對較優，因此不應盯着特定價位，而是把握時間窗口」。
升幅5%內可慢慢吸納看中線
若投資者未有持貨而又有意買入股份，唐牛建議以招股價做benchmark，升幅5%內都可以慢慢吸納，但「預咗要睇中線」，非着眼於短炒。李澤銘亦表示，不建議短線投資者在暗盤時段加倉，尤其不建議高追，因目前市場上有多隻小盤且概念明確的新股，從炒新角度而言，這些標的比寧德時代更具吸引力。
長線投資方面，李澤銘建議可持有觀望態度，等待上市後判斷走勢。唐牛則認為，寧德時代作為電池一哥，在全球市場持續擴張，加上H股沒有美資而不怕制裁風險。
相關文章：
