一名大叔情急智生，早前被旁人發現在鴻福堂店突然向職員表明會員身份，坦率直問一事，網民知悉詳情後均齊聲爆笑。回應的寬頻仔不覺新鮮，反而煩躁地指：成日遇到呢啲人。詳情見下圖及下文：
大叔向鴻福堂職員表明會員身份直問一事逐張睇↓↓↓↓
樓主早前在社交平台Threads上載大叔指手畫腳的相片發帖，引述對話：
「呢個阿叔打敗咗99%鴻福堂會員。
阿叔：我係鴻福堂會員（拎部手機攞個Apps出嚟）
店員：？？？
阿叔：我想問（屯門）德政圍點行？
我當堂笑到Ｘ街。
唔知除咗問路，仲有有咩功能呢？我都想整返張」。
網民笑到震：似星爺啲戲
回應的網民齊聲爆笑，指「好好笑」、「笑到震」、「笑到流眼淚」、「笑到Ｘ街，似星爺啲戲」。有人細心分析大叔此舉的潛台詞，指「佢想證明佢係自己人嚟」、「意思係咪唔可以得罪會員，一定要答佢」、「阿叔係咪都覺得冇消費就同店員問路唔多禮貌，所以提自己係member（會員）」。
有網民於是笑言這是「會員福利」、「應該仲可以問幾多點」、「會員尊享：問路服務」、「學到嘢啦，下次識用」、「其實我係VVVip（非常非常非常重要人物）嚟，係咪帶埋我去會好啲！」；建議「路痴都應該整返張」。有人更加心急稱「即刻申請先，多個Item（項目）寫落CV（履歷表）」。
有網民稱讚「阿叔好客氣， 問路前先表明身份」；另有人順帶講述一下自己的經驗：
•上次我排順豐排咗好耐，終於到前面阿叔，佢：「我想問個問題」，職員：「你問啦」，阿叔：「稅局電話幾號」。
•我做寬頻仔，成日都遇到衣啲，一嚟就話我用緊你哋㗎，邊度邊度點樣行，一係就話我手機都係用緊你哋，幫我睇下部手機XXXX……認真講直接問路都冇咁躁……」。
資料來源：i_am_anson_chan＠Threads
相關閱讀：店鋪收10蚊「問路費」 網民嘲：答錯係咪可以告上消委會？↓↓↓↓
「過路費」可聽多了，「問路費」看來是新興收費。有網民以「消費券可以嗎？thx」和「搞咩依家香港啲鋪頭問吓路都要收錢！？」為題，早年分別在facebook討論區和「連登討論區」發帖，上載一張寫有「問路費一次$10蚊，本公司或店鋪員工並沒有義務與責任提供道路指引服務，如態度不好那是應該的沒有誰欠誰」的店鋪告示，即惹來網友好奇↓↓↓↓
