導演邱禮濤、劉德華及鄭則仕今晚（6日）出席電影《獵金•遊戲》首映禮X apm 20周年慶祝巡禮，更即場分享拍攝感受，大會亦公布喜訊，指該片由5月1日在內地上映至今，票房1億4000萬，馬來西亞未上映，只上映優先場，已成為華語票房冠軍打低對手。劉德華在台上表示希望大家睇完該片會潛移默化找到自己的養份。
鄭則仕自嘲老人家跟得住
對於戲中跟華仔的鬧交戲，鄭則仕表示有劇本，但沒有特別安排，華仔會臨場發揮，自己去配合對方。談到兩人再度合作可有火花，鄭則仕自嘲老人家跟得住，華仔笑對方跟得好貼。鄭則仕說：「依家嘅華仔唔再係以前華仔，去到拍攝現場先知佢做乜！」華仔大讚鄭則仕由合作《掃毒2》開始就不停交戲給他，每次也給予特別感覺。鄭則仕指《追龍》、《拆彈專家2》及《焚城》演出，對方每次也演繹不同，所以自己不能不用心演出。
電影「寒冬期」華仔繼續投資電影
提到鄭則仕曾揚言要學華仔做人，他即眼濕濕，表示華仔有尺有度、有情有義，是他一生人要學的目標，亦不但止他一人感受到，其他人也感受到，雖然華仔表面冷冰冰，但其實內心熱辣滾燙。他說：「佢幫好多導演同工作人員，係用心幫助，但世事未必一定如意，高高低低都好，不過總會有驚喜，佢個心態好難得，圈中幾多人咁樣？係用心幫唔係得把口。」當笑問華仔覺得鄭則仕是否說得對，華仔表示很多人在圈中好努力，希望跟志同道合朋友合作產生火花。在旁的鄭則仕大讚華仔沒有違和同埋堆，又認為艱難之下不要分化大家，做好先可以有機會翻身。提到現今電影市道被指「寒冬期」，華仔笑言着多件羽絨再來過。鄭則仕笑說：「唔死暖返就開花結果。」問到華仔對電影市道可有信心？他表示順境、逆境安然度過，亦會繼續投資電影，但在自己能力範圍之內，不會集資，因為不想影響創作，每部戲投資大約四、五百萬。
「我個女就係我個女」
另外，提到早前為該片在內地宣傳大爆女兒同學不相信劉德華是其爸爸，問到會否到女兒學校多出現。華仔笑說：「ok呀！我個女就係我個女。（會否多出現學校？）我成日都去。」當追問女兒是否很仰慕他，華仔笑笑口即叫記者轉話題。提到王晶在網上頻道大爆華仔情史，問到可會介意？華仔表示不會介意，大家都知，再講一次。談到王晶講得好仔細，華仔說：「係咩！（指你當年拍拖睇戲，前後腳入場！）個個演員都係咁！」
