有港媽搭乘香港快運由沖繩返港，因其5歲兒子，遭前座乘客指責涉嫌踢凳被責罵，憂慮對小朋友造成極大童年陰影，發惡反擊要求乘客道歉：「你當我盲㗎！你知唔知你咁樣鬧到個小朋友喊晒，幾大傷害啊！」
涉事前座乘客其後在網上留言，還原當時情況，指控該小童「係咁踢（凳）」，又指該「兩母子係度唱歌」、「彈琴」、「玩玩具」和「爬窗」，總之「成程都嘈」，強調當時只是妻子向他反映不滿，沒有「鬧個小朋友」。
5歲兒航機疑踢凳遭干涉 港媽憂留童年陰影 發惡要乘客道歉：「你當我盲㗎！」事主現身咁回應…↓↓↓↓
有網民在社交平台Threads發帖表示，日前搭乘香港快運UO821，由沖繩返港的航班，「好恐怖，（遇到）歇斯底里嘅香港大媽」。
樓主坐在該母子背後，目擊事發過程，他表示：「（該港媽的）5歲仔係咁踢前邊，伸咗手去前邊，前面（乘客）話兩句，（港媽）即時崩潰咆哮。」
「你咁樣鬧到個小朋友喊晒，幾大傷害啊」
樓主發布影片，記錄港媽當時發惡的情況，港媽的5歲兒子坐在靠窗位置，港媽則坐在身旁，港媽正大聲怒斥前座一對男女：「你當我盲㗎！你當我盲㗎！你知唔知你咁樣鬧到個小朋友喊晒，幾大傷害啊，五歲小朋友。」
前座一名女乘客聞言，欲息事寧人表示：「得啦，得啦，係啦，係啦！你話一句無（踢凳），就無，OK㗎啦！」
「你就Say Sorry！如果咁！」
但另一名前座男乘客則要求該港媽若有不滿，可向機長投訴：「如果你覺得有嘅，你可以同機長反映，同機長講。」女乘客再出聲似在勸男乘客：「是但啦，無嘢啦。」
港媽這時斬釘截鐵地要求前座乘客道歉：「你就Say Sorry！如果咁！」影片至此結束，未知後續。
前座男乘客還原現場情況：我哋冇鬧個小朋友
帖文引發熱烈迴響，被罵的前座男乘客其後在帖文留言，還原當時情況，他表示，該女乘客是他的妻子。
他在留言中表示：「其實我哋冇鬧個小朋友，我太太全程都淨係同我講，真係頂唔順，佢（指該5歲小童）係咁踢。」
指控兩母子「全程係咁嘈」
他又批評坐在身後的這對母子「全程係咁嘈」，「之後又玩iPad開聲，又用嚟彈琴，二母子係到唱歌，我哋都唔（出）聲。」
該母子「又開張餐枱玩玩具，又開又閂，最後佢（指該5歲小童）爬上個窗，隻手整到我太太。」
他表示，當時其太太「都係同我講，其實成程都嘈，但係我都冇理佢」，之後該小朋友「隻手叉埋嚟整到我」，才發生影片中的衝突，「佢阿媽見到就唔『啹』，所以就發脾氣，仲要話個仔冇做過。」
前座乘客：好彩有證人
他又表示，該港媽的丈夫其實亦見到自己兒子弄到人：「我仲聽到佢老公明明見到佢（兒子）整到人哋，仲問使唔使say sorry。」
他說，他們兩夫妻「最後都唔想同佢嘈」，是該港媽「佢自己要爆喊話全程（畀航機乘客）聽佢（講）冇嘢，係我哋屈佢個仔」。
他對於被港媽指罵及要求道歉無奈地表示：「好彩有證人，不過我最鍾意佢啊媽話，佢冇做過，果下真係無敵！」
目擊者：之後嗰20分鐘仲正 佢攬住個小朋友話…
目擊事件的樓主補充表示，當時香港快運的空姐已即要求該港媽冷靜，他又聲稱該港媽更揚言：「有本事你咪上網公審我囉，我先唔驚你。」
樓主又表示，事件後尚餘20分鐘抵港，「之後嗰20分鐘仲正呀，佢攬住個小朋友話：無論如何，媽咪都會企喺你嗰邊，跟住啲眼淚浪下浪下……」
網民：禮貌、規矩真係家長教出嚟
樓主比較同情前座乘客：「前面嗰個好慘，佢淨係講咗一句：係啦係啦，你踢足全程啦已經，之後個女人繼續講……」
網民熱議事件，認為無論如何，父母應以身作則，不應在公眾場合大吵大鬧，「五歲都好大個，當事人（前座乘客）好脾氣讓你」，有網民認為該港媽「得寸進尺」「好肉酸」，如遇同樣情況，雙方都可以「同機長反映」，「禮貌、規矩真係家長教出嚟。」
同場加映：港媽攜女年廿九食「天上團年飯」嬲爆 飛機餐咁安排被斥「大吉利是」↓↓↓↓
