有巴士女車長好心等追車的阿叔上車，未料阿叔上車後竟拒絕摺起攜帶的BB車，疑阻塞通道，更不斷以粗口罵女車長「服務態度差」，女車長大嘆好人難做：「我夠鐘開車㗎啦，我等埋你，你仲Ｘ我老母！」
事發的影片在網上流傳，全過程如下：
巴士阿叔拒摺BB車大戰女車長 女車長嘆好人難做：我等埋你仲Ｘ我老母 最後咁處理…↓↓↓↓
影片開頭見到該名大叔大發雷霆，正與女車長爭執，大叔邊整理一部BB車，邊以粗口罵道「Ｘ街」，女車長則警告：「（罵我）Ｘ你老母，我就唔開（車）啦。」
這時站長上車勸交，向大叔表示「唔好嘈」，大叔向站長投訴，指上車時該女車長只開半邊門：「佢服務態度唔好！」站長則要求該大叔「唔好拗」，「你影響緊其他乘客。」暗示大叔與車長爭執，已令巴士無法按時開出。
女車長向站長投訴：佢Ｘ我老母啊，威哥！
女車長這時亦向站長反映，指大叔以粗口罵她：「佢Ｘ我老母啊，威哥（站長）！」
大叔聞言激動地指罵女車長：「你態度唔好！你服務態度唔好！」站長這時向大叔嚴詞說：「你唔好影響成車人，唔好問候人哋屋企人！唔好嘈！」
站長又要求大叔摺好BB車：「你做返自己應該做嘅嘢，因為成車人喺到等緊你！」
大叔投訴女車長只開半邊車門：你服務態度差
女車長這時向站長要求趕該大叔下車：「一係你落車，一係我就過客，（佢）Ｘ我老母啊，大佬！」
大叔反駁：「你閂門閂埋一邊！」這時聽到疑似為手抱BB的大叔家人喊：「收聲啦你！」似要求大叔不要再爭拗。
女車長表示：「我好心等埋你！」大叔則罵她：「你服務態度差！」女車長說：「你問吓其他人啊，其他人聽到你Ｘ我老母㗎！」
女車長又站起身大聲說：「我（當時）夠鐘開車㗎啦，等埋你仲鬧我開半邊！」兩人繼續爭執。
站長：你依家阻住成車人啊
站長這時大喊「唔好嘈」，並要求大叔盡快摺好BB車：「你依家阻住成車人啊！」
這時女車長向站長表示，必須要該大叔下車：「叫佢搭下一㗎啦！Ｘ老母Ｘ得咁過癮！」站長要求該大叔下車。
大叔拒絕下車並表示自己已經收好BB車，女車長再強調當時已夠鐘開車，見到他們「三個人追車」，才「等埋開車」，結果反而被粗口辱罵。
大叔不願下車 乘客鼓譟
大叔仍不願下車，女車長表示會報警，大叔表示：「報埋報囉！」多名乘客鼓譟：「唔好嘈」、「趕時間啊」、「講少兩句啦」。
女車長再要求該大叔下車：「你態度唔好，我唔想載你！」大叔再一口拒絕，女車長即時熄車，表示會報警，兩人繼續爭拗。站長這時上車要求全車乘客下車，換另一部巴士：「唔好意思，過客！」
九巴乘客須知列明，攜帶嬰兒車的乘客須將嬰兒車摺妥，及把嬰兒車放於巴士的合適位置。此外，嚴禁使用任何恐嚇、侮辱、辱罵或不恰當的言語或動作，或以任何其他方式騷擾車長或車廂內之乘客。
同場加映：巴士「孝順姐」撳住長髮女打到嗌救命：「你Ｘ我都得，唔好Ｘ老母！」↓↓↓↓
