由粟米粒、紅蘿蔔粒和青豆組成的三色豆，不時為菜式添上繽紛色彩和風味，但罕見與啫喱組成拍檔。有網民自爆公司有同事DIY（Do It Yourself，自己動手做）三色豆啫喱請大家食，更上載製作這道特別菜式的短片和相片，引起識食網民關注，殷切地「求食評」。
有支持者揚言「人生一定要食一次」；有反對派卻形容為「三色豆恐怖分子」，笑稱「鍾意食三色豆都覺得呢樣嘢係邪魔外物」。詳情見下圖及下文：
打工仔DIY三色豆啫喱請同事食逐張睇↓↓↓↓
樓主：同事整三色豆啫喱俾我哋食
樓主早前在社交平台Threads以「公司個同事話要整三色豆啫喱俾我哋食，好驚恐」為題發帖，同時上載短片和相片展示製作過程，分別是滾起的啫喱水、盛起的啫喱水，和凝固後的Ｑ彈啫喱；樓主及後在另一帖文，上載切開的三色豆製成品。
回應的網民似乎分成兩大派，有三色豆粉絲躍躍欲試，持相反意見的則形容為暗黑料理；另有網民從食家角度留言，說得頭頭是道。
網民：人生一定要食一次
綜合三色豆粉絲留言：
•我試過個味係可以㗎；
•人生一定要食一次！；
•我覺得三色豆挺好吃呀；
•想知咩味？三色豆big fan（忠實粉絲）嚟；
•想試，以前成日用蠔油炒三色豆，當做一味餸 ；
•我細個都有食開，可以試吓三色豆雪糕，都好出色；
•以前好怕三色豆通粉，老咗變成comfort food（舒適食品）之一；
•年紀越大，越唔抗拒三色豆。一次過買一大包，可以煮通粉，炒飯，甚至乎烚熟佢放入白飯一齊食，方便快捷，又有纖維。
但也有保守派的三色豆粉絲指：
•三色豆我食，但整乜啫喱呀；
•身為三色豆愛好者表示不行；
•我鍾意食3色豆，但表示，啫喱就免；
•鍾意食三色豆都覺得呢樣嘢係邪魔外物；
•我係會食三色豆嘅人，都覺得呢個係極刑；
•三色豆我淨係接受到早餐食通粉嗰陣時落囉；
•我唔介意食烚三色豆，但撈落啫喱到真心好有問題。
打工仔DIY三色豆啫喱請同事食逐張睇↓↓↓↓
網民建議鹹食：肴肉三色豆
從食家角度留言網民則查問「我想知（啫喱）底味係咩味？可樂？荔枝？青檸？」、「三色豆有冇汆水？有冇炒過？」，建議「紅豆或綠豆啫喱應該會比較好食」、「啫喱多數甜食㗎，不如佢𨍭整（肴肉三色豆）好啲喎」、「整啫喱唔好喇，加個蛋花當湯飲喇，好正㗎」。
就汆水問題，樓主回覆指「水已出，重貼心餵埋糖，不過貪心加多咗兩倍豆搞到控失（已補救）」。在樓主附有製成品相片的另一帖文內可找平食評，相信是樓主的同事留言「佢真係整得好食，我食晒成嚿」。
反對派則揶揄這是否「創意料理？」，有人更舉例指「繼（黑暗料理）燒賣煲湯之後，這個驚嚇程度都拍得住」。還有人直言「玩到咁大」、「暗黑料理」、「真係恐怖地獄料理」、「很有創意，但係唔識欣賞」。有網民甚至誇張地指「太喪心病狂了，這料理不是一般人做得出來的」、「喂？警察嗎？這裏有三色豆恐怖分子……」。另有心水清的網民則懷疑「個同事準備離職？ 」，指這些是「散水啫喱！」。
資料來源：kusa_yukihanafat＠Threads
相關閱讀：旺角餐廳驚現「癌」燒雞翼 網民：食咗即時申請生癌↓↓↓↓
有網民早年分享在旺角一間餐廳吃到一碟勁燶的瑞士雞翼，該超級「暗黑料理」燶到部分已成炭，相片在多個社交平台瘋傳，不少網民戲稱為「癌」燒雞翼，幽默地指出：「食咗即時申請生癌。」↓↓↓↓
從網民分享的單據看到，該位網民在今年9月底晚上八時許在旺角豉油街一間餐廳，叫了一碟瑞士汁雞翼撈丁，價格為55元。
從相片看到一碟黑如墨汁的雞翼燒燶情況嚴重，碟內數隻雞中翼部分有燶成炭的情況，從相片看到樓主仍然吃了一半，並分享語帶雙關的食後感：「真係好難食，我食開瑞士汁係甜，佢依碟就苦到想嘔，雞翼燶到咁都放上枱，真係好優秀。」
【點擊即睇｜網民妙論「癌」燒雞翼↓↓↓↓】
