北角東岸板道昨日（26日）發生多名長者與踏單車母子衝突，有老翁懷疑在單車徑步行時，險被小童踏單車撞倒，不滿對方車速太快。
雙方理論期間，單車童疑用手機拍下其中一名老翁樣貌，惹來對方不滿遭推跌地上，該老翁更出言威脅：「掟Ｘ你落海！」「你養Ｘ得大，我唔Ｘ姓馮！」
警方發言人回覆《星島頭條》表示，昨日（26日）下午3時04分，接獲一名45歲女子報案，指約有4至5名長者與兩名小童於東岸板道嘈交，該些長者指該處不能踏單車，警員到場時，該批長者已經離開，現場無人受傷，亦未有財物設施損毀，列作糾紛處理。
北角單車童遭阿伯推跌威脅「掟落海」 不滿車速太快兼被拍照發惡：「你養Ｘ得大，我唔Ｘ姓馮！」↓↓↓↓
事發時由小童母親拍攝的影片，昨日上載於「香港突發事故報料區及討論區」FB專頁，引發熱烈迴響。
影片開頭有中年漢指斥拍片的母親，批評她「唔識教仔」，拍片女子反駁：「你哋鬧我，仲話我唔啱，等警察嚟睇閉路電視。」
另一名長者這時走近拍片者批評其子的單車「撞到人」，但拍片者否認，老翁反駁道：「梗係撞到人，人哋先話你啦。」
拍片者不斷強調：「呢到係單車徑」和「等警察嚟」。
老翁批車速快：「佢幾Ｘ快趣，我哋隻眼又唔好㗎啦！」
這時，中年漢又再批評：「就算係單車徑都唔係咁揸啦！馬路都唔係咁揸啦！」
有長者補充指斥小童踏單車車速太快，也不留意路人：「佢幾Ｘ快趣，係我側邊，我哋隻眼又唔好㗎啦！」這時有長者與拍片母親互咒，長者咒罵她的兒子「養唔大」，而拍片母親則罵該長者「過唔過到聽日」。
另一面，一名白衫老翁因不滿其中一名小童拿手機拍攝他樣貌，與小童糾纏期間推跌小童，拍片的母親大喊：「喂喂喂，打人啊！……我一陣實交畀警察！」
老翁推跌小童 兇拍片母：我連你都掟Ｘ落海
該白衫老翁上前與拍片者理論：「佢仲乜影我相先？！」拍片者不斷重覆「等警察嚟」，白衫老翁表示不怕，「我未Ｘ坐過監，咪嚟拉Ｘ我坐監囉。」
該白衫老翁越講越激氣：「我連你都掟Ｘ落海啊！……你無Ｘ端端影我仲咩？我掟Ｘ你落海，連電話都掟埋……你養Ｘ得大，我唔Ｘ姓馮！我Ｘ怕話你知，我姓馮。」
這時聽到有其他長者叫離開：「仲乜幫人教仔，走啦！走走！」該白衫老翁邊走邊罵：「我掟Ｘ佢落海，想依家啊！」影片傳來其他長者咒罵聲。
網民：成班大人蝦細路，點講都講唔通
網民熱議事件，不少人認為長者推跌小童及咒罵小童不正確，但有關小童在單車徑踏單車時，亦應顧及路人的安全。
「老人恐嚇掉人落海、咒罵小朋友養唔大、蓄意推撞令小朋友跌倒受傷、公眾場所講粗口行為不檢、覺得行人慢慢行單車徑係正確、覺得踩單車應該返屋企踩。」
「老老實實，單車徑唔畀踩單車，咁理論上行人路都唔係比人行。」「嘩！以老行兇，打細路，仲咒人養唔大。」「成班大人蝦過細路仔，好似點講都講唔通。」
「如果我在場，會教小朋友踩單車要顧及其他路人，盡量調和，減低矛盾而不是不停錄影火上加油。」
同場加映：大家樂MMA｜火爆阿伯拳頭爭位 大廚霸氣攔實：夠啦夠啦↓↓↓↓
