有網民昨日（19日）趁復活節公眾假期去葵涌拜祭先人，目睹有男女拜山時威嚇喪罵一名年約七旬的清潔工，足足一小時。
這對男女指罵該清潔工「過早」清走祭品，威脅「要報東張」、「你小心啲」、「總之我以後唔想見到呢個人喺呢度出現」。
拜山男女大鬧葵涌靈灰閣 威嚇喪罵七旬清潔工：「總之我以後唔想見到呢個人喺度出現！」↓↓↓↓
事發在葵涌火葬場內的靈灰安置所，有網民在社交平台Threads發帖，表示昨日（19日）與家人到該處拜祭先人，見到一對中年男女，在該處喪罵一名目測約70歲的清潔婆婆。
樓主表示，該對男女拜祭先人後，曾離開「去咗第二度」，「之後返嚟就發現祭台上面嘅嘢被清晒」，於是大發雷霆指罵清潔婆婆：「（罵她）點解唔擺多陣先清潔個祭台，鬧話仲有幾個鐘先收工，點解咁快要清？」
清潔婆婆被兇：你小心啲，你安唔安樂啊？
該對男女不斷威嚇該清潔婆婆，說：「你而家對唔住係先人唔係我，你小心啲，你安唔安樂啊？」
他們又說會向東張西望投訴該婆婆，令到婆婆被解僱：「報警冇咩用，我而家係要報東張。」「總之我以後唔想見到呢個人喺呢度出現。」
逼職員畀清潔工人名：我而家係要報東張
其後有三名估計為該靈灰安置所的食環署職員到場，但仍被該對男女「鬧一個鐘」，其後更「逼食環署職員畀清潔工嘅人名等資料佢，方便佢之後報東張」。
樓主批評，該對男女其實「人行開晒」，清潔婆婆才開始清潔該處祭品，「講真，你人行開晒，真係鬼先知你拜完未咩？」
樓主又批評，男女大吵大鬧足一小時，「搞到我哋成層嘅人都唔係好敢講嘢，心裏面不禁會諗，究竟係邊個打擾先人同拜祭者既安寧？」
批評清明時節難為墳場清潔工：他們是真正照顧先人
樓主最「睇唔過眼」是該對男女「下下用報東張嚟威脅人，仲要擺先人上枱，勁唔合理」，樓主呼籲「望東張西望唔好做壞手勢，畀無理取鬧嘅人攞嚟利用」。
樓主指出，真正照顧先人的其實是這裡的清潔工友，「我哋啲孝子賢孫都係春秋二祭先過吓嚟」。
樓主對於該對男女在「清明時節難為墳場清潔工」，非常擔心那位清潔婆婆會因此「畀人炒」。
網民：真正失禮死人
帖文引發網民熱議，不少網民批評該對男女在靈灰閣大吵大鬧「真正失禮死人」，「先人『見』到呢個塲面 真係唔慌唔東張西望。」
「只係可憐D職員已經被罵一小時，但係我信因果」、「喺度嘈嘈嘈，因住其他先人跟佢返屋企」。
「我感覺好多香港人真係情緒差，好大壓力咁，但希望佢哋有好嘅舒緩方法，而唔係發洩喺人哋身上。」
樓主報1823撐清潔婆婆：希望佢唔會畀人炒
網民建議樓主可寫電郵向政府部門及東張西望講述事件，「寫返時地人，撐返清潔姐姐」。
樓主其後回覆表示，已透過「1823」將事件通知政府有關部門，「我報咗1823，希望個清潔工婆婆唔好因為咁樣既無理取鬧，而要孭鑊或者畀人炒魷魚啦。」
同場加映：清明拜山MMA｜孝子賢孫膠袋互扑大混戰 現場小童一舉動成焦點↓↓↓↓
