最近全球熱爆為Netflix一套劇《混沌少年時》，引起熱議，究竟應如何面對現今世代年輕人的成長。
這個課題我自問唔識，因個人成長一代，全部天生天養，個個家庭平均生四至八個，母親為湊仔及家務做到死死\u5413；父親一日二十四小時有十八小時在外搵食，哪有時間教仔女。
但奇，雖如此，也出了大量社會棟樑。不少高官、醫生、律師、工程師、會計師及有貢獻的公務員，全部來自木屋、徙置區、公共屋\u90a8。有冇乜特別方法培育成長呢？一\u56bf雲。
剛睇到許冠文訪問，佢都話同阿Sam（許冠傑），從來冇乜特別栽培，也是屋\u90a8仔一個。
事實，每代年輕人都有變好變壞，因素非常多，不同父母有不同做法，拗都無謂。
呢呢，剛剛搭高鐵上貴州，就更見證一幕爛口家庭，哈哈，似乎個仔又幾乖喎，難明。
我坐在一家三口旁邊，光頭老粗父親一坐低，就與老婆及個仔交談，過癮，全粗口。老婆一睇就知非善類，看似歡場阿姐級人物；個仔肥嘟嘟，十三、十四歲，比較純。
車程五小時，期間光頭父親不停與老婆交談，句句夾著問候佢老母（外母大人呀），但老婆呢，若無其事，也句句夾著生殖器官回應。
我邊聽邊偷笑，點解會有人不停問候外母，而佢個女又竟然泰然接受呢？好\u561e，到光頭父親同阿仔交談，也一樣，頻頻問候佢老母。咁就奇啦，因佢老母坐隔籬，無動於衷，視若等閒，完全對粗口內容不上心。你見過這種互相問候的家庭未？係咪好奇特呢？但冷眼旁觀，個仔又幾純良，一句粗口都冇，只是乖乖的在玩手機，久不久回應粗口父母幾句。
這個家庭畀我五小時車程不少娛樂！
