有大埔夾公仔店在社交平台發帖，指控區內有學校的教師在店內「偷」公仔，帖文批評：「為人師表，點解咁無禮貌，教人不問自取？」店主更聲稱已報警：「報咗警啦，唔使搵我交代，同警察講啦……」
然而，不少網民從店主公開的CCTV畫面中發現另有真相。原來，該公仔早已掉落出貨位，只是因出口過於狹小導致卡住。網民認為，涉事教師並非偷竊，而是伸手解困。
大埔夾公仔店指控教師「偷」公仔遭鬧爆 網民睇CCTV還原真相：輸唔起唔好開↓↓↓↓
涉事夾公仔店日前以匿名身份在「大埔 TAI PO」FB專頁發帖，指控大埔區內有學校的教師「為人師表……教人不問自取？報咗警㗎啦，唔使搵我交代，同警察講啦」。
店家公開的CCTV顯示事發在本月1日，晚上9時39分左右，當時有三人在店內，其中一名女子夾到一隻公仔，畫面看到公仔跌在出貨口，但因出貨口較細小，部分公仔身被卡住，其後，該女子在別人提示下，彎腰伸手入取貨閘口，並取出公仔。
網民：已經跌咗出嚟，咁靠地心吸力出貨？
不少網民留言力撐涉事教師做法並非偷竊，從CCTV片中看到該教師其實已夾中，「睇完段片，公仔個身落晒去出貨位啦，你洞口太細卡住個頭喎。」「個公仔個頭大到咁，夾中都一定會卡住喺出口嗰度啦！」
「已經跌咗出嚟，咁靠地心吸力出貨？人哋好心就畀人當賊扮。」
「夾中都唔畀人拎走，你鎖住個出口位啦。」「店主咁都要報警，咁事主咪要報海關囉！」
店主回應網民：咁樣攞貨唔通知，無禮貌
有網民甚至質疑店主是否「輸唔起」：「輸唔起就唔好開啦，真係好Ｘ核突整到個窿咁Ｘ細，仲好意思話人？」
店主其後更新帖文回應網民，表示「無講過叫人交翻貨出嚟同賠錢呢類」，店主又指只是出帖批評涉事教師「無禮貌」：「由頭到尾係話緊咁樣攞貨唔通知，無禮貌，應該要通知台主。」
不過有網民則繼續揶揄店主的回應：「搞到我汽水機撳完汽水，都唔敢伸手入去攞添，驚畀人話冇禮貌……」
同場加映：紅磡夾公仔機驚現「旺旺仙貝」 一鋪竟收費「咁多」 網民震驚：智商稅？！↓↓↓↓
