《中年好聲音》曹敏寶（Mable）相隔8年自資出新歌《未結束的故事》，鼓勵所有迷惘的人，不要放棄自己，她坦言唱出過去一年高低起跌的心聲，回首當日被捲入「中一生」梁浩銓緋聞，事業由高峰跌落低谷，和親密戰友支嚳儀和周吉佩的友誼也受到考驗！Mable申訴說：「唔可以單睇表面判斷一個人，日久見人心！」 採訪：方騫平 攝影：朱偉彥
歌手出身的曹敏寶去年受緋聞影響到工作，轉由支嚳儀變成周吉佩的最佳拍檔。Mable無奈解釋：「只係笑話一則，我個人就係咁，係冇就冇，我對人係比較熱情嘅，所以老公(科學家林潤生)好明白我為人，佢完全冇懷疑過我，有佢喺我身邊會變得好安心，感激有佢陪我度過人生低潮。」
腦海湧現臨終前走馬燈
Mable說回仍一殼眼淚：「好難接受到突被煞停工作，試過唔開心到呆坐一晚，好似臨終前見到走馬燈，不停轉出人生片段，包括參賽時一幕幕經歷…好彩我肯表達，同長輩和老公分享心事發洩情緒。」後來Mable從Edan歌曲《Again》中取得重新振作的動力，就算遇到任何問題，勇於面對就能企返起身。沉澱過後的Mable繼續音樂生涯：「所以決定自資成立工作室，交由多年老友張子丰嘅公司MOVING PICTURES幫我出歌，原來人生大門被關上嘅話，上天總會畀你一扇窗，問題睇你肯唔肯去打開，我決定做更好嘅自己(怕唔怕入不敷支？) 希望有多啲商演令到收支平衡，同埋會跟『巧嘢』(How Yeah)團隊成員劉可、邵立勤、江嘉恩等做網台節目及慈善演出，保持知名度。」
另外，Mable跟吉吉及支支友情不再，又傳她被「中一生」集體杯葛，Mable坦言近年大家少了聯絡，但自己一直處於被動角色：「好多嘢係參透唔到，控制唔到嘅…我覺得做人最重要係有溝通，我耳朵長開。」她堅持不能單睇表面去判斷一個人，日久見人心，可以用時間去證明，還對支支說：「佢喺我心入面係朋友，祝佢工作順利。」
