有網民拍到尖沙咀一間意大利雪糕店，有店員「每個味剷一次逐個匙舔」的情境，惹來食口水尾的衛生憂慮，店家接獲投訴後回覆致歉，表示該員工「係收店前洗雪糕匙前咁做」，該店已進行徹底消毒及清潔，並向涉事員工發警告信。
有關該店員工狂舔雪糕匙的畫面在社交平台Threads瘋傳，詳情如下：
尖沙咀雪糕店店員狂舔雪糕匙 目擊者：佢每個味剷一次逐個匙舔 店家道歉：已向涉事員工發警告信↓↓↓↓
涉事意大利雪糕店標榜以上乘材料手工製雪糕，該店雪糕價格不菲。有網民在上周五（28日）拍到該店一名女店員舔雪糕匙的情況。
樓主表示：「個店員每個味都剷一次然後逐個匙舔。」「我哋企係喺度10分鐘已經見到佢至少舔咗5款味。」有網民問：「你係咪真係睇到佢無換匙？如果每款用一隻新匙食用，同平時出面試雪糕一樣？」樓主回覆說：「至弊佢奶枝匙係平時用嚟挖雪糕㗎。」
樓主其後將有關影片傳給店家，店家回覆表示「深感抱歉，現向所有曾觀看這影片而感覺不安嘅網友致歉」。
店家：呢位同事係收店前洗雪糕匙前咁做 設備和器具使用前必用100%酒精消毒
店家在回覆中表示「我們已立即回店進行徹底消毒和清潔，因此情況已經比咗警告信呢位同事」，在查看店內CCTV後，「呢位同事係收店前洗雪糕匙前咁做」。
店家表示：「其實每晚洗淨雪糕匙後都會用100%酒精消毒抹乾淨再入雪櫃第二天早上再消毒一次備用」，「不用擔心任何食安和衛生問題，所有設備和器具，使用前必用100%酒精消毒」。
店家最後表示：「本店保證以後不會發生呢種令人不安嘅問題，為此再次致萬二分嘅歉意，對唔住。」
同場加映：連鎖麵包店阿姐「地拖」拖麵包架 店方道歉決定咁善後 分店地點曝光 街坊：有人曾食完肚痾↓↓↓↓
有網民對於店家的回覆表示安心：「如果真係收舖後奶完再洗，我覺得冇問題，不過間鋪嘅image冇晒。」 「我諗係個員工問題啫，之前老細俾我試味等等都好正常喎，食過質素都唔錯丫。」
網民：其實可以搵另一個一次性匙羹食 或挖返落個杯食
不過，雖然店家表示所有設備和器具，使用前必用100%酒精消毒，而有關員工是在收店前「咁做」，但有網民仍表示有「食口水尾」的憂慮和陰影：「其實真係唔想浪費，其實可以搵另一個一次性匙羹，鏟落個杯度食，根本就係貪方便。」
樓主亦留言表示：「……而家唔係屋企食雪糕，同埋其實可以將啲雪糕挖返落個杯食，但佢就用咗個最核突嘅方法畀我睇到。」
有網民則提醒雖在收店前才出現此情況，但店家應盡可能禁止員工在鋪前以匙食雪糕：「飲食舖面最怕就係呢啲瓜田李下嘅情況，聲譽一有影響，有排都救唔返。所以好多都係要禁員工係舖面食嘢。」
同場加映：港女買雪糕要店員先洗機 指上手點藍莓椰子：我好抗拒椰子個味 被拒公審店員遭逾千網民鬧爆↓↓↓↓
