擅自打開包裝盒揀蛋換蛋，是其中一項人見人憎的行為。有網民早前在沙田便見到一名年輕長髮女子，蹲在凍櫃前打開兩盒雞蛋「調嚟調去、摸嚟摸去」，被發現後竟還做出一項更令人討厭的反應。
網民看過相片後，不但排隊聲討，且自爆更多在超市或百貨公司內親眼目擊，叫人匪夷所思的貪小便宜怪行。詳情見下圖及下文：
沙田長髮女擅開包裝揀蛋逐張睇↓↓↓↓
樓主：轉身就唔見咗個女人
樓主在帖文中表示，「我企喺佢隔籬望住佢，佢仲睥返我轉頭」。目擊口罩長髮女子的惡行後，樓主「原本諗住拎完水餃就去同收銀講」，但「我轉身就唔見咗個女人，剩係得一對夫婦企咗喺佢呢個位置望緊雪櫃，我都唔清楚個女人有無擺返好啲蛋」。
回應事件的網民均不齒長髮女的揀蛋行為，指「買幾隻蛋啫⋯⋯咁揀老公會點呢？」、「移形換影」、「呢種行為好貪心」、「無品」、「好無品呢啲人！」、「無家教」、「最憎啲咁嘅人，自私自利」、「冇教養和缺德 」、「佢個行為係十級討厭」。
有人稱，「二三十蚊盒蛋都要咁做，cheap（賤）到上太空，應該唔好食蛋，咁樣先最慳！」、「係要幾厚面皮先做得出……」、建議「同職員講」、行過去一齊睇，大聲話：幫手執多盒得唔得」、「下次見到大聲話，你喺度換蛋，等佢知醜，即刻走。不能縱容」。
有網民分析指「香港好多人怕執輸著數要攞到盡」；也有人感慨「好眉好貌……估唔到……」、「多數係上咗年紀嘅師奶，咁年輕比較少見。最唔鍾意佢地揀生果、拎上手唔要的，大大力掉返落去，好自私」、 「咁年青嘅女子，有冇受過教育，咁肉酸的行為都做得出。做人要光明正大，貪小小便宜，完全冇儀態，討厭這類垃圾」。
另有人認為「隻蛋有大有細，唔覺得調隻蛋大啲會好味啲。著得好人好姐，都做埋啲咁無聊+自私嘅行為。浪費時間同心力，仲影響埋下一個購買者」。
網民目擊其他揀蛋怪客↓↓↓↓
長髮女擅開包裝揀蛋似乎不是個別事件，不少網民也曾目擊其他揀蛋怪客的各式惡行，詳見下圖↓↓↓↓
相關閱讀：超市貴氣婦人以貌取蛋？ 擅開包裝係咁搖 網民嬲嬲：俾個燈膽佢照下
網民目擊其他匪夷所思怪行
說過揀蛋，還有更多網民目擊其他在店鋪內的匪夷所思貪心自私怪行，分享如下↓↓↓↓
相關閱讀：貴氣師奶「廁紙掩眼法」偷蛋 得手後企店外得戚回望↓↓↓↓
有網民公開CCTV影片，一名打扮貴氣師奶懷疑以「廁紙掩眼法」，神乎其技偷雞蛋，師奶得手後更施施然站店外，回望好一會兒，有網民形容神態似向店家得戚示威，在網上惹來熱議。師奶「廁紙掩眼法」偷蛋全過程逐格睇↓↓↓↓
影片全長23秒，未知發生時間及地點，影片看到該位師奶攜著兩條廁紙，側揹著一個袋進入店鋪。
她先在店門口取了一排雞蛋，這時她一邊行入店內，一邊將雞蛋放入一個袋內，期間為防被發覺，巧妙地以兩條廁紙遮掩。
成功後，師奶繼續在店內閒逛了一會兒轉身離開，CCTV看到師奶在步出店外後，未有即時離開，反而拿著兩條廁紙站定回望店鋪，更輕擺兩條廁紙，神態悠然自得。回望良久，才慢慢轉身離去。
發帖的樓主直言，平日買水給執紙皮婆婆，婆婆都表示會「俾返錢」，但是「見到佢(指偷竊師乃)身光頸靚，竟然喺度偷嘢，真係令人好氣憤！」
【點擊即睇｜網民妙論奇技偷蛋↓↓↓↓】
