有意換車或賣車的車主要注意了，市面懷疑出現扮買車、呃車揸的「試車黨」，有網民被他們運了一個大吉後，在網上發貼猛呻。
準備換車的樓主昨日（28日）在facebook群組「齊齊贏馬會 馬會出糧」上載一名男子背影的相片發文，提到試車的男子由粉嶺揸出吐露港去老遠的大埔林村，回程時又特登揸去聯和墟攞蝦餃，試車後雖然如常出價，但後續卻相當無賴。事件詳情如下：
「試車黨」扮買車呃車揸伎倆↓↓↓↓
網民：下次收費設車程限制
相中的金毛剷青男穿花衣套裝，孭斜孭袋。樓主在帖文中提到試車後的情況——「咁放低咗佢之後佢就出價啦，話聽日兩點鐘火炭上架驗。後來再WhatsApp佢問佢聽日火炭邊度啦，先發現佢已經block（封鎖）咗我」。
對於試車後，疑似「試車黨」封鎖了樓主的WhatsApp，不少網民都提醒要警剔，更有人懷疑相中人是慣犯——「我試過有條契弟叫我車佢一家人由海洋公園去上水，我感覺係同一人」。
有網民笑指對方的行為好比搭「順風車」、「識玩」，反問「有冇醒返粒蝦餃過你吔？」。另有人稱「唔飛出公路點知你架車有冇問題？」，並安慰「都冇揸過海賺咗啦」。
有網民則正經地提醒，對方「分分鐘冇牌㖭呀……小心啲啦……師兄師姐」、「人哋車行都要落訂先畀試車呀！何況私人！」，建議「下次就算俾試車都要收費，仲要計埋車程限制」、「賣車勿給買車人揸，抄咗就麻煩」。
相關閱讀：「伸手黨」灣仔理財中心打躉 懂3種語言 櫃員機旁徘徊問人攞一樣嘢……
「試車黨」扮買車呃車揸伎倆↓↓↓↓
相關閱讀：「伸手黨」中央圖書館外搵食 3女邀「坐車去XX」 DSE考生出殺手鐧了斷
無孔不入的「伸手黨」騙徒總是藉口多多，更懷疑將目標轉移至學生哥身上。有應屆DSE（中學文憑試）考生近日在網上發文，講述在位於銅鑼灣的中央圖書館外懷疑遇上騙徒的經歷，對方期間更強調「我們不是壞人」。結果，醒目學生哥使出一招，便把疑似騙徒殺退。詳情見下圖↓↓↓↓
