尖沙咀女稱被老公打抱狗敲車窗求助：「我問咗好多㗎車無人理我！」多名網民指遇過疑另有內情｜Juicy叮

有網民在尖沙咀遇到一名女子敲車窗求助，該女子手抱一隻狗狗，聲稱「被老公打無屋企返」，她表示希望車主可以載她，當被拒絕後，又聲稱「好耐無食嘢」，希望車主可以「買嘢食畀佢」。

帖文發布後，有多名網民指亦遇過這位女子，懷疑事件另有內情，樓主在「車cam L（香港群組）」FB專頁發布事件詳情如下：

尖沙咀女稱被老公打抱狗敲車窗求助：「我問咗好多㗎車無人理我！」多名網民指遇過疑另有內情↓↓↓↓

樓主發布當時兩段車cam片，顯示事發在3月20日下午5時左右，影片錄到樓主與該女子對話，該女子敲車窗向樓主表示希望他可以載她一程，但樓主以趕時間為由婉拒。

這時，女子以悽慘的腔口表示：「我老公佢打我，我真係諗唔到咩辦法，我問咗好多㗎車都無人理我。」她又向樓主表示自己住在這裡附近，更說出所住大廈名稱。

樓主向該女子建議報警，「你咁樣都避唔到一世」，但女子又表示，「好多日無食過嘢，你可唔可以買嘢食畀我？」樓主表示：「咁奇怪，我都要睇住部車。」他最後婉拒該女子要求，並再向她重申建議報警處理，女子聽後不發一言離開。

帖文的截圖顯示，該女子其後又再走向另一部車，樓主在帖文中表示：「有無人都遇過佢呢？到底真係咁凄凄慘慘戚戚，定又係啲磨滅人類同情心嘅騙子？」

同場加映：美女黨？兩女九龍城撩司機搭順風車 3男藏身街角疑不軌 事主爆後續：↓↓↓↓

美女黨？兩女九龍城撩司機搭順風車 3男藏身街角疑不軌 事主爆後續

事發在本月（12月）21日下午約3時，事主強調「我唔係的士」

他駕私家車駛至九龍城衙前圍道及南角道交界

停車等轉燈時，有兩名女子突然走至

其中一人手拿一盒飯盒

事主較下車窗，車cam片錄到當時的對話

兩名女子操流利廣東話

其中一名女子向司機說：「先生，唔好意思，我哋有啲趕時間，可唔可以車我去荔枝角啊。」

另一名女子亦幫口：「啱啱做完嘢收工，趕時間返荔枝角。」

事主聞言回覆：「我依家都好趕時間喎。」即時間接拒絕

但兩名女子仍不放棄，以微嗲聲線繼續「死螺」：「唔該啊，幫吓忙啊，唔該啊！」「唔該啊…」

但事主不為所動，再次強調：「我都好趕時間啊，唔好意思啊！」

女子這時知難而退，臨走前亦有禮貌地表示：「唔該晒！」

從車cam片看到，兩女子身後，有3名男子隨後。

當兩女走近事主汽車時，3名男子亦跑近私家車。

3男望實私家車，似在伺機而動。

當兩名女子撩搭順風車失敗時，即跑向該3名男子

其中一名男子手指向前方，似有「新目標」

兩女子即急急沿方向跑去

帖文引發網民熱烈迴響，不少人懷疑兩女與「跟尾」三男有不軌企圖 ：

「件事唔簡單，後面三個佬跟到實。」「跟尾嗰3個男人，離遠觀察，以為可以上車，先快步過嚟，賊！」

有網民甚至聯想到深圳90年代六魔女色誘殺司機的舊聞。

有網民又指該地點最近頻頻出現有人兜搭想「搭風車」的情況：「有啲人話呢個位成日有人想黐車坐，咁係咪成日都係呢班人？」

事主在回應網民留言時表示，當時無留意有三名男子隨後。

有網民指如事主答應讓兩女搭順風車，「三條佬跟住上車」，事主亦認同這情況「可能」會發生。

不少人替事主暗捏一把汗：「你咁大膽唔識都開車窗講野，唔怕佢地噴你（迷暈）煙？」「後面仲有三條仔跟尾，上左車容咗你都未知咩事啦。」

「最大機會上咗之後畀人脅持，又或者屈司機非禮吖，然後勒索。」

「5條友的士費都慳，不過可能上咗車有第2個故仔。」「可能係新騙局，大家小心。」

不少網民留言指遇過該女子：「我住尖沙咀，有朝8點幾喺金馬倫道見到佢，佢行埋嚟同我講，可唔可以救佢，佢畀佢老公打，佢好多日冇食過嘢，可唔可以畀啲錢佢買個包食，我望一望佢個身同隻狗，冇表面傷痕，隻狗又唔見得有問題，我就話幫你報警，好唔好，佢一直話唔好，報警會畀佢老公打死，咁我當時趕時間返工，就話咁我幫唔到你啦！轉身就走……」

網民：睇樣無穿無爛小心被人呃

「我上年11月同今年2月都有遇過佢，佢同我講同一番說話，我覺得隻狗可憐啲被利用第一次，我叫佢直接行去前面間警局報警。」

「好耐啦！我3年前係加連威老道ＸＸ餐廳泊路邊等人時遇過佢，劇情對白完全一模一樣，樣子及聲音都係佢，我冇理佢就走開，慣犯嚟……似乎佢專向泊路邊司機埋手搵食。」

「上星期山林道畀佢敲過窗，咁啱有差佬行過，佢自己走咗。」「上年遇過，太子，一樣對白。」

「加連威老道等車位行過來問攞錢，唔理佢自己會走，好似幾可憐。」「我以前都遇過話比老公打嘅人，不過應該唔係同一個人，睇樣無穿無爛小心被人呃。」

同場加映：啟德「美女黨」被追擊踎地求饒：「我求求你們，別拍了！」孭名牌袋疑專呃長者↓↓↓↓

啟德「美女黨」被追擊踎地求饒：「我求求你們，別拍了！」孭名牌袋疑專呃長者

有網民以「小心此人周街問人攞錢！」為題發布追擊「美女黨」的片段。

疑似「美女黨」的女子，樣貌清秀略施脂粉，孭著名牌袋，淡色毛衣搭配緊身牛仔褲，穿著年輕時髦。

片中，樓主追拍該女子，質問道：「靚女，你係咪好等錢使？成日問人攞錢嘅。」

該女子未有理會，繼續前行

她以手掩嘴，似想避開鏡頭。

樓主的女伴這時再追問：「見你周街問啲阿叔攞錢！」

女子這時繼續以手遮嘴，並突然轉向飛奔起來

樓主和女伴即時追前

其女伴說：「你遮面無用㗎，遮埋隻眼，笠住個頭，笠埋隻眼啦，乞衣！」

該女子繼續不發一聲，越跑越快

更將孭在背上的名牌袋，改為手持，以加快速度，企圖甩開樓主。

樓主繼續追擊，邊拍該女子，邊大喊：「你係咪好等錢使啊！」「喂啊！我請你食飯啊！」

女子走向地盤附近，繼續奔跑

樓主向路過途人大喊：「呢個女人，成日問人攞錢啊！周街問人攞錢！」

未幾，樓主追上該女子，女子馬上又用手遮蔽嘴，避免廬山真面目曝光。

樓主邊拍邊警告：「喂，你唔好係到搞埋啲咁嘅嘢好喎，真係睇你唔出喎！」

這時女子又再飛奔，雙方再度展開追逐，樓主大喊：「捉住佢啊！」

女子跑了一會，突轉頭以普通話向樓主表示：「你倆幹嘛？煩不煩！」

樓主即大聲說：「煩咩啫，你成日周街係到問人哋攞錢，咪攞咗好多錢！」

女子未有反駁繼續以手遮嘴向前走，行了一會又說：「我聽不懂你說什麼！」

樓主即罵道：「聽不懂？呃人錢，周街問人攞錢！」

樓主這時已追拍了該女子近3分鐘，期間他不斷向途人「介紹」該女子：「佢周街問人攞錢，呃人錢，鍾意問啲阿叔攞錢啊！」

這時女子突然踎在地上

樓主這時向她表示：「去差館啦！」樓主的女伴則謂：「你無飯食咩？又唔似啊！」

樓主這時向女子說：「報警啦！報警啦！」

該女子聽到報警，又再彈起身，向前加快步速

她並轉頭向樓主求饒：「我求求你們，別拍了！行不行？」

樓主女伴即說：「講普通話，轉登落嚟搵食啊！」

樓主亦喊：「搵食啊，條女！」這時女子突拔腳狂奔，快跑逃去。

網民熱議事件：「好眉好貌，落多多知呢d落黎搞死d呀伯。」「辛苦樓主兩位，追左佢咁耐。 佢係D呀叔面前扮可憐，順便釣下有冇老襯。」

「樓主做得好，最好報警處理埋佢，唔好俾呢啲人咁放肆，最重要大家都唔好俾錢縱容佢地。」