HK Express仙台返港航班超賣獲超筍補償 送現金改東京搭機包新幹線 網民激讚有誠意 最後一原因收回｜Juicy叮

有網民日前搭乘HK Express仙台返港航班，遇上超賣情況，航空公司提供超筍補償，希望部分乘客自願選擇改到東京搭機，補償包括送現金30980日元（約1639港元），與及包乘坐新幹線前往東京的費用，不少網民大讚：「呢個deal有誠意！」

有關超筍補償的帖文，成為網民熱議焦點，有搭乘該航班並決定選擇該補償的網民表示，航空公司最後收回該補償方案，他並有透露原因，詳情如下：

HK Express仙台返港航班超賣獲超筍補償 送現金改東京搭機包新幹線 網民激讚有誠意 最後一原因收回：↓↓↓↓

有網民在「HK Express 香港快運及旅行資訊關注組」FB專頁轉發HK Express一班仙台返港航班，因為超賣向乘客提供的補償方案信函，樓主表示，該航班時間為3月9日。信函表示，由於旅客人數較預期多，飛往香的HK Express航班UO891，未能接載全部已訂位的旅客。

信函指，如旅客願意改乘其他航班，航空公司將會給予30980日元（約1639港元）作現金補償。信函用手寫顯示，乘客會改到東京羽田機場搭乘HK Express航班UO623返港，該航班為晚上11:55分起飛，翌日凌晨4:15抵達香港。據網站Flightaware資料顯示，當日該仙台航班原定為下午2:16分起飛，下午6:40抵達香港。

信函除航班資料外，尚用手寫「日元30980 + 新幹線」，顯示補償方案還包括乘客往東京的新幹線車費。

 同場加映：港爸攜發燒妻女日本硬闖航機 累航班大延誤 黐退熱貼叉腰發難稱「浸温泉太多」：↓↓↓↓

累航班大延誤！港爸攜發燒妻女日本硬闖航機 黐退熱貼叉腰發難稱「浸温泉太多」

樓主指，搭乘的是由日本四國「高松空港」機場起飛回港的香港快運航班

他表示，該三口家庭均為港人，父母帶同目測約五、六歲的女兒。

其中妻子及女兒額頭黐著「退熱貼」。

他們在排隊過安檢時，該港爸和發燒妻女在辦理登機手續時，已開始「扭計」

「個男人排隊時，係咁話自己check in唔到，有冇人好心比佢插隊，排入去」。

樓主指，該港爸「拖住個oversize（過大）嘅喼」，妻子及女兒「額頭貼住退熱貼，明顯病樣」，「當然無乘客理佢」。

港爸「繼續扭計」，最後成功入到候機室

但日本地勤似一直在了解其妻女病況，「地勤一路同佢有嘢講」

從現場照看到，兩名地勤職員正與叉腰的港爸周旋，其妻子則站在一旁，額頭貼著退熱貼。

樓主表示：「（港爸）叉晒腰好有型咁，心知不妙。」最後這三口家亦成功上機，「佢差不多最後先上機。」

但是，航機人員要為這三口家檢測健康情況，不能即時起飛，飛機「一直都打開門，駕駛艙都打開」

「無耐有個日本地勤，上機講一堆嘢，又量體溫，我聽到結果係『slightly fever』（小小發燒）。」

日本地勤問港爸妻女「幾時發燒」，「佢話呢幾日，原因極好笑，話自己個家庭浸得溫泉太多」。

之後，地勤發現港爸女兒「隻眼紅晒」，「地勤問佢（女兒）健康狀況，佢叫個女同地勤講『KONICHIWA』（日語你好）。」

「來來回回乘務長，同地勤搞咗好耐，條友仲講風涼話話：『咁都話唔到事』。」

最後，港爸簽署一些文件後才獲放行，他非常不滿：「係咁用佢嘅港式英文講，仲要不滿，話無理由唔畀佢上機。」

「條友（指港爸）威到拎部NB（手提電腦）出嚟睇片，一副吹得佢脹咁款」。

一番糾纏後，全機延誤逾一小時，原定2時35分起飛，結果延至3時42分才起飛。

該三口家在航程中仍繼續「扭計」，「成程機四個鐘完全無帶口罩」，「個女唔係瞓就咳，個男人係咁睇片，仲不停去廁所。」

當飛抵香港，準備降落，機長已宣佈乘客返回座位扣好安全帶，該港爸竟「解安全帶，話要同個女去廁所」，即被空姐拒絕。

但是，飛機降落在跑道滑行時，「佢又想起身去廁所……條友話個女就嚟瀨，開始扭計喊。」「當然無人會理佢。」

落機後，樓主見到他們一路行，其女兒「就話要去廁所」，估計因為發燒，為硬闖搭機，在上機前大量灌水降溫所致。

取行李時，終於見不到該三口家，樓主估計是，因為過海關時「量體溫度封咗佢」。

樓主在帖文中批評，該三口家發燒仍上機自私，「好歹你帶返個口罩，仲要話浸得太多溫泉發燒？我都有浸，做埋桑拿添。」

樓主直斥：「呢啲咁嘅人，影衰晒成機人。」

不少網民熱議事件，「浸溫泉浸到發燒都係第一次聽，當人白痴咩，中咗流感呀。」「有病唔戴口罩真係好缺德。」

「算啦，人哋真係病，又未去到好嚴重！重點係沒有戴口罩，周圍傳染人，係呢下衰啫！（功德心沒有）。」

「下次有人病，影響航機安全！請出聲叫地勤/空姐 call 『medlink』……只要有醫生護士講一句Not Fit for flight，咁佢地就要落機。」

帖文引發熱議，不少網民大讚補償方案有誠意，樓主在帖文中便表示：「今次發達啦，免費送落東京食餐omakase。」網民紛紛表示，如不趕著回港，變相免費多半日東京遊：「如果唔趕時間，有得諗啦，仲可以玩多半日東京，食埋個晚餐，掃多的貨先走，呢個deal有誠意既。」「包新幹線又好似ok。」

網民：即刻企出嚟自願讓位

「算好有誠意，我買張仙台來回機票都唔使1600(元)。」「嘩！如果有呢個賠償，我即刻企出嚟自願讓位。」

有網民甚至想到可借機改後數日回港，將日本旅行延長：「錢照收，改後幾日仙台走。」「改遲一日東京都好。」有網民則指補償方案只是用手寫，擔心兌現時無法律效力：「冇簽名自己寫，咁樣用筆改你覺得有法律效力？」有網民指出：「改嗰啲位唔使公司章，但每個改過嘅位都要簡簽返。」

最後有搭乘該航班的網民留言，表示航空公司最後收回該補償方案，因為仙台回港航班最後因有乘客無出現而夠位：「我都係坐呢班，想take呢個offer，但佢話班有幾個人no show，然後就收返。仲諗住玩多陣東京添。」

同場加映：港女搭國泰機跌SIM卡「拆櫈尋卡」 遇「最癲」幫忙超感動：真心要表揚！：↓↓↓↓