有九巴車長在網上分享奇遇，他近日遇到一名中學生，竟然突然問他拿地拖，原來學生不少心弄污車廂，他甚至拿出銀包願意為此付清潔費。
車長對於學生的表現大感欣慰：「今日遇到個值得俾個like嘅中學生！」該車長駕駛荃灣西站至深井的巴士線，事件詳情如下：
奇遇！中學生搭巴士問車長攞地拖 坦承做錯一事 涉事車長出Po：值得畀個Like↓↓↓↓
有兼職九巴車長在社交平台Threads以「兼職巴士佬奇遇記」發帖表示，「今日遇到個值得俾個like嘅中學生」，他表示，當日行車時，在倒後鏡看到車廂「成地都係奶茶」，他在落客和上客時，「循例開一開聲，提一提啲客小心跣咁。」
之後，有名學生行上前，主動問他取地拖，該名學生說：「唔好意思啊，頭先瞓著咗倒到成地都係，部車上面有冇地拖？我喺總站落車，一陣我自己清返。」該車長表示，他向學生說：「冇喎，唔緊要，你坐返低先。」
之後巴士去到總站，該學生竟又「好驚咁」再上前向車長說：「真係唔好意思啊，我俾返清潔費你啊！」車長指，該學生真的拿出銀包想付錢。
同場加映：港男巴士「世紀奇遇」竟獲車長派錢？一原因獲贈8倍車資惹熱議：↓↓↓↓
該車長表示，他當時呆了一呆，「我load咗一load，然後即刻揮晒手」，他隨即向該學生表示：「呢部唔係的士嚟，唔需要收清潔費，我會跟返公司程序處理，下次小心啲就得。」該學生即向他致謝。
該車長在帖文中大讚該學生：「雖然倒瀉咗杯嘢飲的確影響其他乘客，但係呢個年代仲會肯主動認錯，仲想承擔返個責任嘅人真係少之又少，更何況你唔係有心嘅。」
網民：有！家！教！司機大哥都好叻！身教！
網民紛紛留言大讚該學生懂事有家教，而巴士車長亦體諒沒有苛責：「謝謝分享。學生很懂事，好好！亦都辛苦你了，車長。」「呢個年代仲有啲咁既人真少，父母教得好。」
「都多謝您都好好人，有禮貌親切解釋反畀個小朋友知道，有d司機大哥可能會好燥底，小朋友都好叻仔，有！家！教！司機大哥都好叻！身教！」
「真，呢個年代如果有年輕人肯講句『唔該』『唔好意思』『對唔住』『多謝』之類嘅說話，我真係會想當場畀個 hug 佢。」
同場加映：九巴車長土瓜灣駕駛途中竟突落車購物 乘客直擊買一物疑健康出問題 九巴：正調查事件：↓↓↓↓
