「俊俊」果然有一手，同邊個女藝人合作，就同附近嘅女演員撻着，而且迷到啲女人死死下，個個都話佢好好。「俊俊」出身比較複雜，跟住阿媽流雜失所，所以好叻睇人眉頭眼額。所以每個佢想追嘅目標，都好難唔畀佢嘅溫柔溶化，佢仲可以喺女仔屋企樓下等嗰種老派溝女法，而家邊有幾多人肯咁畀耐性同心思。但又好奇怪，佢換畫之快又破咗紀錄，每次都係半年唔到就分手，而且次次嘅類型都唔同，可謂百花齊放。
相關閱讀：星8卦丨「高瘦」被「肥叔叔」照顧 生仔搵「傻仔」認頭皆大歡喜
「俊俊」話自己係浪子，每次拍拖都同啲女講清楚，唔好諗住有以後，冇腳雀仔唔會為任何一個女人停止再飛。佢每次都用盡力對啲女好，估唔到係「妹妹」竟然諗住用自殺嚟逼佢留喺自己身邊，嗰次幾乎搞出人命。「俊俊」嚇到面青，因為成屋血，佢仲對「妹妹」好照顧，畀「妹妹」假像以為有機會行落去。問題係呢件事反而嚇到「俊俊」更加唔想為任何一個女人停低，「妹妹」一好番，佢即刻寫咗封分手信，同「妹妹」解釋自殺呢件事有幾錯。
相關閱讀：星8卦丨「姐姐」講嘢最鍾意投訴 收警告信禁同事埋身
而家嘅「才女」都係玩認真㗎，不過好在性格唔進取，令「俊俊」覺得可以行落去，不過呢種怕壓力嘅男人，都係遺禍人間嘅男顏禍水，睇下「才女 」幾時被飛，連「俊俊」都叫佢享受過程，但感情投入咗又點可以話分就分，「才女」真係祝你好運！
