大家冇睇錯，「高瘦」真係好惡，原因係佢出身一向都係草根再低啲啲，粗口爛舌就梗啦！平時「高瘦」都唔係好交戲，就算唔惡都係一副寸樣，生人勿近。自細佢就跟咗「肥叔叔」，可以話連第一次都畀埋人哋，所以「肥叔叔」好錫好冧好縱，好彩咁多年「肥叔叔」都叫搵到，當好多人生意麻麻，一落千丈，「肥叔叔」反而冇乜上落，其他有錢人身家唔見一大截，「肥叔叔」反而晉身十大富豪。
相關閱讀：星8卦丨「姐姐」講嘢最鍾意投訴 收警告信禁同事埋身
「高瘦」自細唔憂食住，咁啱「傻仔」見佢係自己想要嘅類型所以發力狂追，「高瘦」長期得一個「肥叔叔」出入管住晒，難得有個後生仔出現，自然冧到暈。「肥叔叔」知道就搵人招呼咗「傻仔」一鑊，高瘦知道之後就發晒癲，係咁對「肥叔叔」 狂轟，仲用分手嚟威脅，「肥叔叔」即刻唔敢出聲，「高瘦」知佢離唔開自己，就開出條件話你又唔會娶我，我就同「傻仔」一齊尋求人生下半場，條件係你要每個月照畀家用，因為「傻仔」養唔起我。
相關閱讀：星8卦丨「少爺」發明星夢沉迷賭博 債務纏身唔要面自救
「肥叔叔」好神奇咁應承晒，因為「高瘦」第一個仔真正老竇係佢，所以有能力咪幫下手。「傻仔」知唔知？梗係唔知啦，對幾個細路都錫到燶，而且「高瘦」都養一半家，自己都唔知幾輕鬆做個生活充裕又幸福嘅男人！
