好多人都一直被人懷疑財內自何方？好似「太太」就係一個唔明點解總有錢使嘅人。當日嫁「明星」，明明兩個人都冇錢，但就風風光光咁出嫁。嗰陣已經有傳「太太」係「富豪」嘅五奶，「太太」又好想埋街食井水，「富豪」見佢嫁得咁出名，應承畀筆大錢風光做人妻。
相關閱讀：星8卦丨「歌女」追「阿叔」諗住有錢搵 兩面不是人遇渣男撇清不倫戀
婚後「明星」一樣沉迷不良嗜好，為咗撐住門面所以每個月都見「太太」出現「富豪」寫字樓等攞家用。「太太」因為出身比較平民，好知人情世故，「富豪」仲要喺自己喺人世差唔多嘅時候，介紹咗自己嘅好朋友畀「太太」，希望好朋友可以得閒就照顧下「太太」生活，呢份感情已經超越咗男女之間嘅情情愛愛。
相關閱讀：星8卦丨「鬼妹」做「高佬」女朋友 當賭債肉償扭曲關係分手
「太太」咁多年養住「明星」都係因為門面唔想衰，畢竟佢同「富豪」嘅事情唔係秘密，好勝嘅「太太」要生活亦要家庭，真係兩難全。好快同「明星」生咗3個細路，生活就更艱難，好彩「富豪」當日吩咐好朋友幫忙，佢又真係長期介紹到啲客畀「太太」做兼職。
相關閱讀：星8卦丨「古惑」愛滾「大婆」心水清每年計數 互相尊重高人夫婦
由於「太太」好有老闆或老人家緣，雖然而家人老色衰，但仲係有幾個對佢照顧有加，定期畀月費，咁樣大家至見到「太太」周身名牌，連追小鮮肉都好夠財力，去到邊追到邊，仲要好多人畀面，真係估佢唔到！
