「御用青樓女子」42歲文凱玲（Connie）去年3月與拍拖五年的IT才俊外籍老公Jason結婚，同年7月晒出BB手仔照片宣佈囡囡IYLA出世，一家三口生活得十分幸福。昨日（6日），文凱玲在IG story中以黑底白字寫下長文，大爆工人姐姐要求辭職即刻返菲律賓，更突然執晒所有行李走佬，讓她感到相當愕然。
文凱玲家中一成員突執包袱走佬
昨日（6日），文凱玲在IG story中大爆工人姐姐突然執晒所有行李要求辭職返菲律賓，她以黑底白字寫下長文：「今朝早工人姐姐突然話辭職唔做，想即刻返菲律賓！其實佢已經唔係第一次講話唔做，又話同老公鬧交，又話掛住啲仔女，但係之前佢好快就後悔話佢只係亂咁噏所以今次我哋應承咗佢俾佢執嘢走。幫佢準備埋辭職信，話埋俾佢知我哋同意佢即刻走，唔使一個月通知，亦都唔使賠一個月錢俾我哋。但係佢話唔想即刻簽，想去當時請佢嗰間中介公司度處理剩低嘅手續，我哋同中介溝通咗，佢都話冇問題，可以交俾佢哋處理。」
相關閲讀：「御用青樓女子」文凱玲遇交通意外 與6個月大女兒同車嚇破膽
文凱玲黑底白字寫長文求救：
文凱玲工人姐姐「著草」？
文凱玲續說：「結果個工人姐姐執晒所有嘢離開咗我屋企，然後佢今日冇去到個中介公司，夜晚我發訊息提醒佢，聽日記得去中介公司處理手續同埋收錢，結果佢覆返我話佢唔去！唔通佢連錢同機票都唔要？而家我可以點算好？」文凱玲字裡行間充滿著無助和焦慮。對此，不少網民為工人姐姐的一番舉動大感不解，有人猜測工人姐姐可能只是因家中有急事需要即刻返菲律賓，又有人指工人姐姐可能偷走文凱玲家中物品或找到條件優厚的「下家」才心急「着草」。
相關閱讀：「御用青樓女子」文凱玲初生萌B專注飲奶被偷拍 握緊拳頭怒啤鏡頭表不滿？
文凱玲入行逾10年：
文凱玲升級人母後專心照顧家庭
文凱玲於去年3月與外籍男友Jason結婚，並於7月初誕下愛女IYLA，升級人母後的文凱玲便專心照顧家庭，陪伴女兒。文凱玲最新的一部TVB劇集已是去年播出的《狀王之王》，當中她飾演蜘蛛精殺人案的幕後真兇葉三娘，在公堂上除衫露出疤痕一幕加上陰險毒辣的表情，精湛演技備受網民認可，大讚她將殺手角色詮釋得似模似樣。
