有網民在大埔一間燒臘店買了$263燒味過年，結果疑墮「燒臘陷阱」換來一肚氣，事主懷疑燒臘店靠「砧板擋」出蠱惑，公開中伏經驗：「以後買燒味，一定要搵間，要睇到佢裡面鉆板嘅。」
事主在「大埔 TAI PO」FB專頁發「警世」帖文，公開事件詳情如下：
大埔燒臘店疑靠「砧板擋」出蠱惑 $263燒味過年開盒中大伏：↓↓↓↓
事主在年廿九在大埔寶鄉街一間燒臘店，購買燒味過年，該店是第一次光顧，「見到好多人買，咪第一次幫襯，點知呢間嘢做生意咁奸詐，永世都唔會再幫襯！」
他想買燒鵝下莊，價格是$150，這時店員極力遊說：「店員就話買半隻都係$200。」事主覺得相差只是50元，很划算，「咁我覺得都係喎，咁就要半隻燒鵝。」
他又同時買了一條$63的燒腩仔，連同$200半隻燒鵝，總數$263，事主取燒味時沒有開盒檢查，回到家後打開發現中大伏。
同場加映：網民實測深圳蓮塘「盒裝燒肉」烚起狂發脹 港業界懷疑是「ＸＸＸ肉」：↓↓↓↓
事主發現，$200半隻燒鵝，份量反而比半隻「燒鴨」還少，事主指：「平時半隻『燒鴨』都可以塞滿個外賣盒。」現在「加埋鵝頭鵝頸盒野都係鬆嘅」，而且還充塞一些下欄位：「買半隻燒鵝就畀全個鵝頭。」有網民問會否膠盒比發泡膠盒大，「所以睇落去沒咁滿？」事主回應指：「燒鵝，唔係燒鴨，鵝好大隻㗎。」有網民懷疑店鋪會否將燒味「調亂咗」，事主則強調：「無可能調亂，我睇住。」
至於那條$63的燒腩仔，事主表示，該條燒腩仔是他自己現場揀，但懷疑被店家「偷龍轉鳳」，「一打開個盒裡面唔同晒，多咗好多舊只有厚皮，但就冇肉嘅嘢。」
事主指，該燒臘店懷疑靠「砧板檔」遮掩，讓顧客看不到他們在做「蠱惑嘢」，「斬燒味個砧板前面，一定會有塊好高嘅檔，睇唔到佢裡面啲蠱惑嘢。」，他呼籲網民：「以後買燒味一定要搵間要睇到佢裡面鉆板嘅。」
「佢燒肉寫到明，買一斤搭四兩其他」
帖文引發不少街坊留言，指亦中伏：「冇錯呀成日都有啲咁嘅事。」「之前我都試過，所以真係唔好幫襯！」有人教路：「企中間少少可以睇哂兩塊鉆板位。」
有街坊又指該店氣焰凌人，有人曾因為排錯隊被店員無禮驅趕，指「我依家唔做你生意，你走啦」。有人表示買燒味飯，曾想「飯餸分開，畀返盒錢」，結果換來「老闆爆句成朝都西客」。有人又爆料指：「佢燒肉寫到明，買一斤搭四兩其他，（所以）我只會買叉燒。」
同場加映：換新鈔出錯銀行電客戶「回收」 唱一萬蚊包利是職員數錯「咁多」 事主：佢做錯事要我負責？：↓↓↓↓
