楊卓娜日前在萬千星輝頒獎典禮憑台慶劇《黑色月光》入圍「最佳女配角」，當晚她以超低胸長裙性感上陣，贏盡網民掌聲，可惜大熱倒灶，就連楊茜堯亦表示對家姐未能獲女配角獎項感到可惜。雖然楊卓娜失落女配，不過她就獲老公出冧招呵返。
楊卓娜老公舉動窩心甜蜜
楊卓娜在萬千星輝頒獎典禮憑台慶劇《黑色月光》入圍「最佳女配角」。
不過，楊卓娜失落女配。
雖然失落獎項，但楊卓娜透露老公為她準備了名牌熊公仔匙扣。
楊卓娜老公更送上心意卡，並寫上：「老婆：你是我的女主角 」勁Sweet！
楊卓娜同老公真係好Sweet！
楊卓娜透露老公在台慶禮當晚準備了一隻名牌熊公仔匙扣，以及一張手寫心意卡，卡上寫上「老婆：你是我的女主角 老公」，舉動相當窩心甜蜜；楊卓娜寫道：「今朝（1.20）凌晨五點瞓落床，但係比楊生叫醒，佢問我點解睇唔到？我矇住眼問睇到啲乜嘢，原來佢喺我床邊放住呢一啲嘢！禮物靚唔靚唔緊要，貴唔貴重都唔緊要，最緊要係嗰一份心意，多謝楊生！幾年前，當我都入咗最佳女配角最後5強，凌晨返到屋企，都同樣收到一張卡，一份禮物，女兒嘅短訊，內心好滿足！我們都不是最好的，但是我們擁有彼此，卻比擁有什麼都更好。」
