陳慧嫻40周年演唱會《The Fabulous 40 Priscilla live in hong kong》昨晚來到第2場，慧嫻的跳舞街昨晚迎來AGA江海迦當嘉賓，圈中好友梁詠琪、草蜢蔡一智、黎瑞恩、溫碧霞、周汶錡，GIN LEE等都來支持。
慧嫻大讚音樂總監何丙
頭場因為公主裙太重加上高跟鞋疑踩裙腳，不小心在台上華麗跌親，昨晚她小心翼翼唱完《明日有明天》，成功行去台中，開心向觀眾說，「我終於成功冇仆低，真係有人咁問㗎跌倒咁靚？真係有冇良心㗎？哈哈，我要玩都唔玩自己啦，雖然我每日都食四粒鈣片啫，點會係呢度玩仆親？，場場都要仆親，咩年紀啊？會跌碎骨㗎。」慧嫻又大讚身邊的這位音樂總監王子何丙，「有公主，當然有王子，我覺得何丙其實真係一個天才，係音樂上面，佢將我好多嘅經典歌曲，重新再編排過，多咗好多時代感，亦不失原曲的味道，我覺得只有你才做得到。係何丙真係幫我係音樂上面幫加註咗好多好多新元素，暫時來講，真係只有何丙做得到。」
慧嫻昨晚小心翼翼唱完《明日有明天》，開心向觀眾說終於成功冇仆低。
不過慧嫻就自爆被問係咪特登華麗跌親！
慧嫻則反問: 「有冇良心㗎？」
慧嫻笑言每日食四粒鈣片，點會係呢度玩仆親？
第2場嘉賓邀來 AGA。
兩人大跳《跳舞街》。
慧嫻與 AGA好合拍。
AGA感恩剛入行時，得到慧嫻的祝福同鼓勵。
除了唱歌外，AGA又感謝慧嫻給了她信心。
慧嫻除了讚音樂總監何丙當日扶起跌倒的她，更讚他是音樂天才。
慧嫻於第一場仆親！
Gin Lee、蔡一智、黎瑞恩都有捧場。
梁詠琪都有現身撐慧嫻姐姐！
AGA感謝慧嫻給了她信心
慧嫻第2場迎來AGA江海迦當嘉賓，AGA出場跳完跳舞街，兩人即擁抱，AGA表示，好開心能夠擔任呢次嘉賓，「慧嫻姐姐我好感激你，因為我剛入行，做創作係起步時真係唔知自己好唔好，出面有冇人鐘意聽，但係得到你嘅祝福同鼓勵，你比左好多信心我，好感恩係呢個舞台入面為你做嘉賓。」然後獨唱了《3am》送給觀眾。
