向來敢言的鄧兆尊近年活躍於網上平台，近日他作客吳家樂與梁思浩的YouTube頻道《娛樂好好玩》，一向享有齊人之福的鄧兆尊，以過來人身份大談近日城中熱話，已婚大生銀行主席馬清鏗被爆與巨咪網紅小三「五索」鍾睿心（Rachel）暗交9年，甚至更被指為馬清鏗誕下四名孩子一事。
鄧兆尊質疑五索身體條件
吳家樂指一定有事發生才觸動「五索」這次破釜沉舟式爆料，直指她如果安守本份肯定足夠生活，推斷她並非安於做小三，想做二房和要有名份而「傾唔掂數」，鄧兆尊則估計她想另覓「碼頭」。吳家樂稱「五索」最錯就是找了個「好壞的軍師」林作，鄧兆尊指以他自己的分析：「第一樣嘢，四個小朋友係咪同一個老竇呢？冇講過（佢18歲結婚同前夫生咗個小朋友，離咗婚跟呢個有錢人）！其次就係話一個男人同你九年，呢個關係會唔會Keep得好長呢？一個人最多可以三次剖腹產子，佢生咗五次，即係話最少兩次順產，呢個女仔個Body耐用度有幾好呢？」鄧兆尊估計有人因為生活費大減而作出今次爆料決定，但卻找錯了林作，導致一發不可收拾。
相關閱讀：馬清鏗小三「五索」三度食言！因一事竟然爆喊 黃心穎慘被拖落水：已經變咗啦？
鄧兆尊瘋狂爆料：
鄧兆尊指馬生姪仔以「哈哈」回應
鄧兆尊又提到自己與馬生一家相熟，幾兄弟都好低調：「馬生嗰啲兄弟嗰啲仔女，我有一個識嘅，我走去問佢呢個問題，佢只係答我一句『哈哈』，即係姪仔聽到就哈哈大笑咁樣答我，都冇提呢件事，即係成個家族都知道咗。」提到「五索」曾指對方太太不知其存在，鄧兆尊即叫「五索」不要高估自己，稱可能在她前面還有很不同女伴。
吳家樂認定「五索」恃住自己有四個小朋友，「肯定想分嘢但太貪」，鄧兆尊即大爆：「以前有個女星，佢交過四至六個有錢佬，冇啦啦就有咗，佢就問我喂點呀？我應該同邊個攤牌？我話呢啲冇得攤牌，你驗DNA，你同時期吖嘛，你唔好諗住漁翁撒網，卒之佢成功咗，六個一齊收錢，六個都唔認頭，直頭唔驗，一人一百萬，Bye Bye!唔要小朋友，你自己養。」
相關閱讀：馬清鏗疑曾與小三五索出富二代婚宴惹仇富問題 因一事狂讚「富商A」年紀大仲好勁
「小三」五索疑與馬清鏗出席富豪活動：
吳家樂開名「陳彥行」遭鄧兆尊否認
吳家樂八卦問該女星身份，鄧兆尊就指和他們同一年代：「同你（吳家樂）拍過戲，總之就係未婚有小朋友，跟住唔講啦！（係咪姓楊㗎？）唔係，唔係港姐嚟，拍古裝比較多，時裝就少啲，都有，身材好Fit，講晒！（啊！行姐（陳彥行）？）梗係唔會啦，行姐咁蠢，點會做呢啲嘢。覺得自己聰明嘅女人先會做呢啲嘢，佢嗰時同我講就係話，我有咩男人未見過吖？冇人可以喺我胯下捱到15分鐘！」鄧兆尊雖然堅持不肯開名，但就大爆這位女星兩地走，是五大姓「陳李張黃何」之一，引起一眾網民猜測。
