石修、米雪與陳湛文（Peter）在ViuTV劇《老是常出現》首度合作，修哥和雪姐經常以CP檔演戲，默契十足，他們預告將會拍檔在內地開音樂會。他們又向Peter大派高帽要向他學習演喜劇，令Peter不懂招架，但感恩這次機會令他可向一班前輩好好偷師。採訪：杜杜 攝影：朱偉彥 服飾:SPORT b.、New Balance、eye’s Buddy
《老是》由名監製潘嘉德製作，這是修哥和雪姐接拍主因，修哥說：「我同德哥識咗40幾年，我哋合作大家仲講緊就係《衝上雲霄》，係佢第1個搵我做好搞笑嘅爹哋，《老是》就稍為誇張啲，我知同米雪同湛文合作，唔使再講任何嘢啦！」除修哥的原因外，雪姐還因Peter飾演其兒子，「喜劇唔係我專長，但湛文拍喜劇好出色，想合作偷吓師都好，仲有一班舊同事好耐冇合作。」
完全不懂招架
聽到前輩狂讚，Peter完全不懂招架，「弊啦！呢套劇比較瘋狂，我係掉走晒書包，對住班前輩焗住見招拆招，捉住佢哋嚟玩，我個角色的而確係要玩吓佢哋，玩唔係書本理論嚟。」Peter形容是𦧲飯應接拍該劇，「知道細細個公仔箱見到嘅演員，有得同佢哋對戲喎！仲唔𦧲飯應咩，當然仲關同德哥合作事！」Peter感恩這次機會令他可趁機跟前輩們偷師，「我真係好鍾意拷問佢哋啲前塵往事，一嚟唔知會唔會唔覺意踩中佢哋啲禁忌，同埋好想知佢哋當年一踩就踩幾組，喺片場點樣生存、爭上位、保養，仲有後生時啲風花雪月啦！」
修哥和雪姐自1979年TVB劇《絕代雙驕》首合作，多年來合作無間，近年更經常CP檔出現，修哥透露兩人還有新搞作，「我哋合作啲火花越嚟越濃，合作演戲外，雪姐有個新安排畀我，唔使埋位一路有教我唱歌。」雪姐解釋：「我哋好多機會出去表演，我話『修哥你練定幾隻歌，仲要唔好淨係練廣東話、國語同英文歌，練吓啲福建歌，方便去唔同地方表演。」原來他們5月會CP檔舉行音樂會，「楊盼盼有個心願，喺佢佛山個影視基地，將古裝城樓變成個好潮好新派嘅音樂會，仲有100幾個女士同我哋一齊行catwalk出嚟。」
