其實係咪真正愛一個人，睇個男人係咪念念不忘囉！好似「醜爸」娶完一個又一個 ，咁多年落嚟佢最愛嘅都係「斯文」，但「斯文」離婚後又嫁咗好多次，話每當愛情感覺消失， 佢就同當時嘅老公講拜拜。
相關閱讀：星8卦丨「花旦」錯嫁破產「伯伯」轉名下物業被充公蝕大本
「醜爸」有嘅係錢，但冇辦法躋身上流社會，咁啱見到「斯文」 乜都識，琴棋書畫件件皆能，就梗係生滋貓入眼。「斯文」出身好，老竇喺社會上有知名度同地位，於是發力狂追，咁啱人哋老竇經濟出現問題，「醜爸」 即刻表示可以幫手度過難關。
老竇梗係高興，亦知「醜爸」嘅心意，叫「斯文」好好咁對呢位有心人，「醜爸」亦唔客氣咁叫老竇幫忙追老婆，三扒兩撥娶埋返屋企，做埋一家人就梗係唔駛還錢。
相關閱讀：星8卦丨「才子」耍性格被封冇入息 肯跪低獲撐有財有威過新年
「斯文」個心就梗係唔爽，生埋又靚又可愛嘅女就同「醜爸」講要出去追求愛情，「醜爸」用盡方法都留唔住老婆，惟有放手。但咁多年佢都仲照顧「斯文」嘅生活，即使之後娶埋「女主角」都唔斷糧水，證明呢個女人至係佢嘅最愛！
