的士「電騙黨」瘋傳！有的士司機昨日（15日）晚上接載一名懷疑「電騙黨」男子，該男子一上車竟叫司機先為他的手機「叉電」，未開車已企圖透過「轉數快」過車資，並要求司機找回現金，相當離奇。
聲稱險被騙財的司機，在「的士司機資訊網」FB專頁發帖，公開事發時的車cam片，揭露疑似「電騙黨」涉嫌行騙過程如下：
的士「電騙黨」瘋傳！一招以「轉數快」疑呃錢 網傳屯門元朗有司機中招：↓↓↓↓
車cam片顯示，事發時間為昨日（15日）晚上8時23分，當時一名戴鴨舌帽男子上車，一上車即問司機：「司機有無轉數快？」司機即表示只有「八達通、Payme」，鴨舌帽男問：「即係轉數快過到Payme㗎呵？」司機即表示不清楚：「Payme唔知過唔過到轉數快喎。」
該男子即細聲表示：「應該OK嘅。」司機這時問：「你去邊到啊？」該男子表示會去三處地方，但言語非常含混，只聽到中間會去沙田田心，最後目的地似為「深圳灣」。司機似乎亦未弄清該男子的目的地，再次問道：「你去邊到啊？」這時男子突拿出手機，遞給司機說：「你可唔可以幫我『叉電』啊！」
司機似亦被弄得有點混亂，想澄清男子的電子支付方法：「你有Payme呀……轉數快……啊，唔係，Payme即係EP啊……」男子繼續遞住手機，點頭表示：「應該得嘅。」這時司機再強調可接受的電子支付方式：「Payme啊，八達通啊，Alipay啊。」男子說：「應該無問題嘅。」司機聞言開車。
同場加映：台少女香港遊疑遇黑心的哥 低頭拿錢驚見的士錶跳貴1倍 求助酒店櫃檯揭嚇人真相：↓↓↓↓
男子在開車後，隨即表示：「我過四百畀你啊，（之後）攞兩百蚊現金。」意即他會透過轉數快付400元給司機，當中200元作為的士車資，司機則找回200元現金給他。男子又問司機：「200蚊（車資）夠唔夠？」司機即回應：「200蚊差唔多啦。」同時驚奇地追問男子：「你過400蚊畀我做咩啊！」男子表示：「攞200蚊現金。」
司機這時已停車，向男子表示：「無啊，我哋無得咁樣㗎喎！」男子聽到露出失望神情，收回遞出的手機，司機即表示：「咁隨得你啦，你搭唔搭，隨得你啦！」男子聞言，不發一聲，開車門離去，畫面見到該男子離開的士後，仍站在路旁，左顧右盼，可能想再截另一部的士。
樓主在帖文中表示：「的士電騙黨，屯門元朗已有司機中招。」有懷疑為的士司機亦留言表示：「我中咗招喇。」但在網民追問下，該中招司機未有再交代細節。
事主拆解可能行騙手法 有司機稱轉數快收唔到錢
樓主其後補充，該懷疑「電騙黨」透過轉數快的可能行騙手法：「佢已有一張假cap圖預備好，第二，深圳灣（該男子最後目的地）無網絡，想Check數，都Check唔到，到時口同鼻咬。第三 ，佢哋去到深圳灣有同伙接應，去到就拔足逃走仲要走得好很快。第四，上車就話叉電，即係話佢電話係無電，到時畀條毛你。」
另有的士司機留言表示：「我都試過一次轉數快收唔到錢，個客有顯示話過咗，睇嚟又係電騙，自此唔再收轉數快，好彩幾十，當俾個女人睇醫生啦。」
有司機稱轉數快收車資「無出事」
有網民質疑以此手法行騙成功的機會不大：「如果個客真係用FPS（轉數快）過400蚊，而自己check銀行又收到錢，咁其實係點電騙呢？FPS（轉數快）不是即時過數的嗎？」有司機亦表示，試過轉數快收車資「無出事」。
有網民估計騙徒「可能用接收信息時間差」，「支票，顯示出嚟會同正常收到錢一樣，之後彈票。」有網民則懷疑，過數戶口如屬來歷不明，最終亦未必能成功取錢，「提防啲冇壞，點知條友仔會唔會被人利用洗黑錢……」
不少網民留言批評該男子「當的士流動ATM」，「無收到錢就畀錢人？」「你估呢度係7仔咩，200蚊現金，哈哈！」「咁我不如車你去銀行撳錢先？」「諗嚟諗去都噏唔出去邊，就很肯定有蠱惑啦。」「司機醒。」
同場加映：尖東「富婆」搭的士「垃圾袋」墊位 嫌車廂臭拒司機借香水辟味：「咁cheap，我枝兩萬！」↓↓↓↓
