有的士司機在社交平台發帖，控訴灣仔一間酒店門外，有「光頭惡霸」涉嫌以恐嚇手段迫司機讓客，「話呢度有公司睇，問我知唔知規矩！」
該的士司機表示，其乘客「行李都已放上尾箱」，結果被恐嚇後要被迫「畀個客佢」，事件詳情況如下：
「光頭惡霸」灣仔酒店疑恐嚇司機迫讓客 的哥出Po大控訴：佢話呢度有公司睇！↓↓↓↓
被恐嚇的的士司機本周一（13日）在「的士司機資訊網」FB專頁發帖，以近300字長文細述被恐嚇的經過。他在帖文中表示，在謝斐道一間四星級酒店門外，當時他排頭位，有一名外籍人士由酒店出來上了事主的的士，「行李都已放上尾箱。」這時，一名「無頭髮嘅人兄」，突然「衝埋呢話呢店有公司睇，問我知唔知規矩，唔知就問吓酒店，同我租車間車行。」
事主表示，該光頭惡霸本身有兩部的士泊在酒店門外，他自己駕駛一部在「門外冚旗揀機場客定唔知係度做乜……仲有架……（司機）係車入面睇手機」。該光頭惡霸再向事主揚言：「其它街車係唔可以（係此酒店門外）上客既，仲話我唔識規矩學咩人揸的士。」該惡霸其後「仲出言恐嚇」事主，他說：「你咪上（客）囉，叫我小心啲，聽日開始唔使揸的士」。
同場加映：的哥反鎖內地客爆粗恐嚇屈錢：「臭X！唔畀玩X殘你！」小童受驚號哭 最終咁甩身：↓↓↓↓
事主現場拍下了該光頭惡霸的廬山真面目，他表示：「今時今日都有呢啲不明文規矩呢？唔係佢公司就唔可以係嗰條街上客？」事主又謂，當日被迫讓出的乘客，其實是去機鐵站，並非去機場的長途客，「佢以為個客去機場，查實係去機鐵，咁我只好成全佢畀個客佢，咁可憐為隻雞腳，都要擺公司出嚟先做到！」
不少網民留言鼓勵事主報警，「呢啲報警啦。」「點解你要畀返個客佢，應該照開車，睇下聽日係咪揸唔到的士吖嘛，建議你去報警，照樣同阿sir講問下佢嗰間係咩公司？」
根據香港法例第200章《刑事罪行條例》第24及27條，任何人如干犯刑事恐嚇罪，一經定罪，最高可以被判監禁5年。警方一直重申，打擊三合會活動是警務處處長首要行動項目之一，警方會竭盡所能打擊同三合會有關的所有罪行。
同場加映：7旬阿伯被紅磡雜貨店屈偷竊 扣留3小時強索賠償$3200 大律師：店家或犯恐嚇勒索罪：↓↓↓↓
