好耐冇威嘅「硬朗」因為呢排人氣旺，所以覺得可以同「前輩」一樣咁有風盡駛?。自從嫁咗做埋阿媽之後，「硬朗」真係靜晒，同以前做女嗰陣梗係無得比，佢之前覺得「前輩」捱足一世，男人都冇個，絕對唔係人生贏家，自己好彩叫做圓滿啦！
相關閱讀：星8卦丨「辣椒」爭輸大場 賴「經理」辦事不力唔出糧
但最近佢見到「前輩」事業再起高峰，開始有啲唔抵得，又好好彩復出之作人氣唔錯，威番一次。人哋「前輩」收到足，做一個商演要7位數字，「硬朗」其實只係四分一價錢，難得佢呢排 所謂紅番啲，都加咗一半價，啲客户諗住有啲新鮮感都算啦。點知「硬朗」非常唔識諗，以為自己同「前輩」一樣受重視，要求同對方所有待遇一樣，好似妝髮就一定係嗰位，收6萬人仔呀，結果客户畀咗3萬請人幫佢手，「硬朗」堅持話唔得，一定要用返同一個。
相關閱讀：星8卦丨「反骨」畀「阿哥」洗腦自抬身價 經濟低迷冇人要兩頭唔到岸
個客見佢咁煩又扮晒嘢，嬲起上嚟話唔駛佢做，仲要請咗位知名度高到冇人唔識嘅「一姐」 價錢高「前輩」一倍，但肯定有生意又對品牌形象有所提升。所以呢排雖然「硬朗」星途好似好咗，但完全搵唔到錢架，連佢自己都估唔到。
