最近，一名帳號為「19hkdesigner」的網民在threads上發長文爆料指有女藝人開新餐廳，透過朋友聯繫他負責設計及印刷，但事後該名女藝人卻認為收費過高而走數。該帖主透露自己已入稟小額錢債審裁處，最後法庭判以勝訴，但對方至今仍拒絕付款。因帖主在文中提供了不少線索，再加上發佈的裁判書上亦曝光了一個「yan」字，從而有不少網民猜測這名「yan」女藝人疑似就是近年由歌手轉做開餐廳、並舉家移居英國的吳日言(Yan)，更直接在留言區tag了吳日言的帳號：「係你嗎？」及至昨日（8日）晚上約8時，吳日言在社交平台發表聲明就事件作出回應，強調已完成付款程序。
吳日言開餐廳被爆疑似嫌貴走設計師數
日前，一名帳號為「19hkdesigner」的網民在threads上發長文爆料：「自僱咗一排，前年入咗小額追個冇品客尾數，搞咗一年法庭終於喺年尾判咗我贏，對方亦冇限期內申請覆核判決，可以公開內容了。呢個冇品客本身係我以為係手joke又有少少名氣嘅藝人，同埋佢開頭搵我報新餐廳要設計嘅item都好多，諗住大單嘢就有啲計平啲都得嘅。女方: 之前搵另一間agency整舊餐廳，收成十萬蚊仲要最後點改又唔包要收多幾錢。見佢唱另一間就知道佢有啲難搞…待續」。
相關閲讀：41歲女星婚後七年誕三胎極速衰老 素顏現暗啞膚色滿臉雀斑嚇親網民
吳日言拖欠設計師尾數$3700：
吳日言被入稟小額錢債審裁處仍拒絕付款
前日（7日）該帖主又再發長文：「女藝人走$3700尾數(二)，女藝人要開新餐廳，朋友搵咗我做設計同印刷，後尾佢想加單印多啲，報完加單個價平唔過E Pxxxt，發脾氣直接走埋之前筆尾數，最後入咗小額錢債計埋其他數，搞咗一年，法庭判我贏，但對方至今仍拒絕找數。續上回：傾完想報十樣嘢，見佢大單就計平咗啲俾佢，跟住佢就係咁越cut越少，cut到6樣出單，仲不忘叫我出多一張報價單，數目寫大啲俾佢去呃正苦subsidy (支援香港品牌拓展海外市場)。開頭報：10 items ~$45k，假單：6 items $37k，真單：6 items $28.3k，最後揀菜：3 items $13.7k。奉勸大家唔好以為大單就報平啲，因為啲客未必會多謝你而易話為啲，如果真係想計平啲，要寫明每樣原價幾錢，成張單一齊計埋先有幾多discount，所以我今次瀨哂嘢，又計得好平又受哂氣，做譚仔阿姐仲好搵！香港做設計慘過食屎」。
相關閲讀：移英女星生活不足兩個月有變化？獨力照顧三子女：幾時到我可以出走
吳日言淡出幕前過人妻生活：
該名「yan」女藝人疑似是吳日言
該帖主隨後亦在留言區表示：「佢之前唱歌，有拍過學警出更」、「佢個名應該個個都識，但真係唔係咁紅」、「女藝人老公仲話得果幾千蚊咁少，即找啦，之後應該俾老婆鬧，跟住走數」、「佢間餐廳都仲喺香港做緊」。從帖主提及的種種線索來看，不少人認為該名「yan」女藝人很有可能就是吳日言，因劇集《學警出更》於2007年播出，當中會唱歌的女藝人有容祖兒、薛凱琪及吳日言，而吳日言近年則由歌手轉做生意人，不但在港開設台式飲品及牛肉麵店，近來更打算在英國大展拳腳經營港式美食餐廳。吳日言在2016年與圈外老公Barry結婚，先後育有1女2仔，7歲大女Beatrice在應屆小一統一派位中派得第8志願學校，為了三個仔女可以在更優質的教育資源和學習環境中成長，吳日言決定舉家移居英國生活，暫住近倫敦西面的雷丁，大女Beatrice早前已入讀英國的小學。
吳日言發聲明回應「走數」事件
至本月8日約晚上8時，吳日言首次在社交平台回應事件，她說：「感謝大家的關心和支持。近期在社交平台上出現了不實報道，並且牽連到了我的家人和朋友們。為澄清真相，我在此發表嚴正聲明。針對該名設計師在網上發佈的虛假內容，這些指控是毫無根據及不符事實的。我們並未承認有任何責任或違約行為，但為避免浪費司法機構的資源，最終公司遵從小額錢債審裁處的判決，完成了付款程序。」
吳日言續說：「該設計師未經我們同意下，在網上披露法庭文件及雙方對話內容的行為是不當的，並且可能涉及法律責任。公司已徵詢法律顧問的意見，若此次事件對本人或公司造成任何損失，我和公司將保留追究法律責任的權利。作為公眾人物，我理解批評是不可避免的，我願意坦然面對。但作為母親，看到孩子們遭受不必要的人身攻擊，確實令我和家人受到極大的精神困擾。懇請大家在發表言論時謹慎，避免進一步傷害。」
