身邊不少朋友，對內地一切，一貫堅持「另眼相看」，絕不肯回去，連有關內地的消息，也一概唔睇。這乃個人取向，無謂勉強。小弟雖然尊重老友的自由選擇，但卻不會如此，因世界不停變變變，我絕對有極強求知欲去睇睇睇。
故此，台灣當然頻頻去，內地呢，無論大灣區或北上，只要有賣點，必去。
但有幾樣仍未投入大潮流，就是北上睇醫生、整牙及配眼鏡。我雖然冇試，但卻不停聽到試過的老友興奮地形容幾鬼有「突破性」，真真走勻全世界都少見。
剛剛老友空姐N趁周末又聯群結隊殺上深圳，不停傳訊息回來晒：「碌Sir，真真意想不到咁鬼正呀，你快 試啦，絕對是香港無法想像的體驗啊。」
佢講乜？乃是正在與幾位嬌滴滴空姐在深圳配眼鏡。條片直播傳來，嘩，間店足足上萬呎，成個眼鏡城咁款，勁誇張。大堂中央設有大列新型按摩椅，你估玩邊科？正是客人一到，就可隨意坐在大班椅上按摩，邊按邊等驗眼。驗完就選眼鏡框。然後，又再可撻落按摩椅等配鏡片。一邊等，一邊又可走到飲品及小食吧，任飲任食，全部免費，舒舒服服按到入睡前，已一切搞掂走得，只收香港半價，問你服未？難怪空姐N不停V字手勢咁款，笑騎騎話：「快 享受新體驗啦。」死囉死囉，再下去，香港仲有乜消費行業可以撐得住？
一轉眼，唉 又係「深圳有幾好」訊息，今次到「Y姐」，傳來一幅相，大大張按摩椅（內地真係個個咁需要按摩？），搞乜？
「碌Sir，剛剛在此洗個頭，二十蚊人仔，足半小時，最好玩，全程攤在按摩椅上，雙重享受，頭與身體各部分齊齊放鬆，真係 」
