吳卓羲今日（27日）到灣仔出席活動，會上他唱出《紅蝴蝶》及《別怪她》，吸引過百人圍觀，他透露聖誕在家中跟家人燒嘢食，而最近忙於宣傳自家品牌玩具，農曆年後就會開新戲。
吳卓羲稱感情事盡力中
吳卓羲受訪時表示聖誕和家人過得很開心，也有唱K，正當記者想問他感情事時，他即醒目地表示知道大家想問什麼，直言現時正盡力中：「緣份到，女主人自然出現，我努力渴望緊。（2025年願望？）由2002年開始已經Ready，不過未遇到。」不過吳卓羲講時就邊講邊標汗，至於吳媽媽是否有催生仔，他即笑指媽媽已經不夠膽再講：「因為我喺媒體前面講，佢話我都係講過一次，唔使唱到今日，之後嬲咗一日。（Bosco有冇介紹你？）冇，佢自己都未搞得掂。」而吳卓羲表示不介意女朋友細過自己10幾年，也不介意姊弟戀，不過年齡就最好不要超過四年。
吳卓羲出席活動時，獻唱《紅蝴蝶》及《別怪她》。
吳卓羲又透露聖誕節與家人BBQ。
談到感情事，吳卓羲坦言努力渴望緊。
吳卓羲對於拍拖隨時Ready，但尚未遇到對象。
吳卓羲表示不介意對方細過自己。
吳卓羲亦唔介意姊弟戀。
吳卓羲對於出席佛山活動時被抽水，他澄清只是角度問題。
由於當時好多粉絲在現場，吳卓羲最擔心混亂間大家會受傷。
問到日後有沒有機會搞握手會？他重提在大馬慘食檸檬經歷。
講到感情事，吳卓羲好緊張喎！
吳卓羲表示粉絲只是想握手。
吳卓羲大馬慘食檸檬有陰影
提到早前他到佛山出席活動時有萬人到場支持，更引起混亂，吳卓羲更被狂迷扯衫、摸手仔，他解釋當時並非看到的那麼混亂，又指他們其實只是想拍照和握手，可能位置問題令人誤會，又謂最擔心混亂間大家會受傷，自己也曾試過在混亂中幫粉絲執鞋，笑指他經常兼任保安，他笑說：「唔想啲人因為我而受傷，一陣連佢哋阿媽都嬲埋我。」至於是否有機會搞握手會？他重提在馬來西亞食檸檬，握手時被拒絕的事情：「上次同個女仔握手時個女仔走咗去，（有陰影？）係啦，費事瘀啦，不過都可以諗。」
