人人會講——生死有命，富貴由天，但真正有親身體驗的，又有幾人？
上周到台灣金門旅行，就見證一個活生生例子，主角名珮珮姨。
珮珮姨今年七十七歲，身體健康，優雅大方，談吐溫文，肯定出身大家閨秀。外形睇，佢一切正正常常，但奇在每次午餐及晚餐前，就會失蹤十分鐘。當人人入晒席，差不多上頭盤時，佢才悠悠閒閒地出現坐低，這就引起小弟好奇心。某次齊齊行去睇景點時，剛要搵話題，就問 佢：「珮珮姨，點解次次飯餐前就唔見 你，咁奇 呢？去 邊呀？」
「去 打胰島素針，入洗手間打，打在肚皮，早午晚餐前都要打，注射後五分鐘開始生效，然後我就可正常進餐。」講 講 ，佢進一步話：「碌Sir，我的境遇可能幫到好多人 ，你可以公開畀大家知。我二十年前已生過兩次Cancer，胰臟同膽都全部切去，但神奇地竟能夠康復，行得走得食得，也可跟你 去世界各地旅行，上高山落平原，其實過去二十年，每一天都係賺返 ，所以非常感恩。」
嘩 真真犀利，原來眼前呢位乃再生人，兩次癌病，冇 重要器官，仍然能夠堅強面對，至今存活二十年，已經七十七歲，是否「神奇女俠」？
「不過，我可以生存下來，但我丈夫則 」珮珮姨 大啖氣繼續講：「真係生死有命，又係二十年前，佢本來好 ，經常打高爾夫球，有日與老友打完波，再打通宵麻雀，返屋企話有點唔舒服，於是我陪佢睇醫生。醫生建議做個身體檢查，點知一查之下，大件事，發現肝癌，且已經到 末期，冇得醫，結果十二日後就魂歸天國。」
珮珮姨與佢丈夫際遇，是否「生死有命」的最佳例子？
