網民實測深圳蓮塘「盒裝燒肉」烚起狂發脹 港業界懷疑是「ＸＸＸ肉」｜Juicy叮

深圳蓮塘「盒裝燒肉」，低至十多元一盒，吸引不少港人選購，有網民實測購自深圳蓮塘一間店舖的「盒裝燒肉」，發現在烚水3分鐘後，燒肉竟「脹得好緊要」，引起網民關注熱議。

本港網民「香港仔」在其Youtube頻道進行多項深圳燒肉的實測，他強調，國內燒肉有好有壞，亦有不少良心檔主售賣優質燒肉，不能以隨機一間店舖的盒裝燒肉評測，「一竹篙打一船人」。

他早前隨機在深圳蓮塘口岸，購買了兩盒共30元的「盒裝燒肉」，進行了以下3項測試，詳細過程如下：

實測全過程！深圳蓮塘「盒裝燒肉」烚起狂發脹？港業界懷疑是…：↓↓↓↓

該網民在蓮塘口岸隨機選了一間店舖，用30元購買了兩盒並非現場切的「盒裝燒肉」，他拿上手感覺兩盒燒肉約有近一斤重。

針對日常用燒肉多放湯或煎炒，該網民亦就此烹調方式，進行三項針對性的評測。

第一項評測是放進熱水烚，他將燒肉放進熱水烚了3分鐘，「冇嘢化出嚟」，但是卻出現一個特別情況，「就係佢（燒肉）突然間脹得好緊要。」在再烚了4、5分鐘後，他目測指燒肉發大了約一半，他進行試食，覺得「有啲味道唔同咗」。

但他無法形容這口感，只表示：「我依家都講唔到畀大家聽……總之比平時我哋去街到，即係食個冬瓜湯(裡面)嗰啲燒肉都唔係咁嘅。」

同場加映：港男實測深圳¥29洗牙¥1980植牙 港牙醫震驚指犯三大錯：「無臉癱真係已經好彩！」↓↓↓↓

實測深圳廉價整牙！港牙醫拆解犯以下三大錯：可能臉癱！

港人北上深圳睇牙漸成風氣，網上有不少人揚言「平靚正」。

港男「黑糯米」近日實拍到深圳一間牙科診所，實測植牙（種牙）、剝智慧齒及洗牙。

除他本人外，更帶同外父及外母，一同做實測。

這間深圳牙科診所，收費僅香港10分之1。

洗牙¥29（約港幣$31）；植牙¥1980（約港幣$2131）。

他們到達後，先做照CT等檢查。

原來在這診所首次照CT，是免費的。

而且，首次求診，他們由福田搭的士到來的交通費，可向診所報銷。

負責的牙醫，先查詢各人病歷。

牙醫拿著兩枝棉花棒，為外父即時檢查口腔。

其後再觀看X光片，講解可行治療方案。

檢查完畢，再由診所主管報價。

港男表示，報價沒有硬銷的情況。

牙科治療開始前，先量血壓和檢查血糖。

首先，港男剝兩隻智慧齒。

他右下智慧齒，牙腳尖有倒鈎，醫生沒有開刀下硬剝。

他表示，當時非常痛，最後成功剝下，但牙齒腳尖斷裂。

該牙醫表示，殘留的腳尖，會慢慢和牙骨融合，不建議取出。

港男說：「成個（剝牙）過程用咗15分鐘，解決咗我30幾年嘅煩惱。」

他評價說：「佢（牙醫）嘅手勢都OK喎，全程竟然唔使開刀，亦都唔使聯針。」

接著到港男外母，她今次先種3隻牙。

港男計時，種3隻牙，全程只用了36分鐘。

港男說：「點解咁快嘅？……大概7個字嘅時間，就種完三隻牙出返嚟喇。」

他說：「咁有效率嘅？乜種牙，可以快成咁嘅咩，我都係依家先知。」

港男外父因血糖超標，一星期後，再到診所種牙。

外父做治療時，全程量著血壓，又先消毒口腔。

他事後說，今次種牙，一次過打四條樁，「香港唔會咁做。」

港男展示「成棚牙」，指¥29洗牙，「洗得好乾淨。」

外父外母的植牙效果，因要長時間才見真章，他承諾「一年之後會再出片分享結果」。

最後埋單，3人共付款¥43,860（約港幣$47,209）

金額具體明細：港男剝智慧齒：¥2,380（約港幣$2,561）;其外父植8隻牙：¥25,220（約港幣$27,145）;其外母植6隻牙：¥16,260（約港幣$17,501）

他強調絶非廣告，4萬多元是自己「真金白銀俾錢」。

拆解深圳整牙，港牙醫指過程疑有三大錯：

港男實測片曝光後，3名未有透露姓名的本港牙醫，留言詳細拆解當中問題，指有三大錯：

（1）牙醫感染控制意識薄弱

港牙醫指：「（該深圳牙科診所）衛生情況，係全部嘢都包晒焗袋，」

「但佢（該深圳牙醫）手套都唔戴，工具都唔攞就幫你哋檢查，」

「而幫你剝牙嗰個醫生，連手套都無戴就郁盞牙櫈燈，」

「轉過頭就用手套掂返同一位置，再幫你做手術…」

「可想而知，背後佢哋infection control（感染控制）嘅意識，都仲係薄弱。」

（2）無開刀剝智慧齒，隨時臉癱

港牙醫指：「（港男）右下智慧牙腳尖有倒鈎，仲咁近神經線，」

「佢地（該深圳牙醫）竟然唔開刀，就同你直接夾硬剝，腳尖當然會斷！」

「神經線無受影響，無臉癱真係已經好彩。」「你條神經線冇斷都偷笑。」

「你（港男）既智齒咁近神經線，一定要切開隻牙拆件剝。」

「神經線受壓，就有機會出現臨時或永久性麻痺，你願意為平幾千蚊冒呢個風險？」

「佢（該深圳牙醫）解釋時，竟然話無所謂？？的確大部份情況腳尖斷裂，未必會引起問題，」

「但如果係肯正常開刀處理……好可能可以順利剝出成隻牙根，又避得開神經線創傷，無後顧之憂。」

（3）種牙位置角度不理想，令植體有牙周病風險

港牙醫指：「（港男）外母六枝植體，基本上位置角度都唔係理想，會影響日後清潔。」

「種牙唔係一了百了，植體亦會有牙周病風險，而且會比真牙更加難處理。」

「只係初期完成一般唔會感覺有咩問題，但當清潔困難引發植體牙周炎……」

「到時就算想再種過，亦會因牙骨被嚴重破壞而好難再種。」

該港男其後回應港牙醫留言，表示：「咁驚，多謝你提醒。」

港牙醫分享 「執手尾」經歷

港牙醫又留言分享，「無數次」為北上整牙的公公婆婆「執手尾」的經歷。

他說：「……上去一兩次飲個茶、食個飯，就可能無咩所謂，但整牙咁緊要，真係要搏？」

「香港租貴人工貴，無可避免睇牙價錢，亦會較內地貴，」

「希望各位市民考慮清楚，健康係無價既，搞衰咗唔一定救得返。」

「例如，有缺失牙而經濟上又負擔唔到，寧願唔做/做活動假牙，」

「都唔好返內地夾硬做鑲緊/植牙，事後出事好難搞。」

「以往已經幫過無數個公公婆婆，要剝晒全口既牙齒，」

「就因為佢地唔識，走返大陸搭全口牙橋，」

「結果全部牙都累死晒，到最後逼住做全口活動假牙……已經返唔到轉頭。」

「自己都有兩三次北上消費……的確感覺佢地既服務態度，係真係好，」

「呢點係所有香港人，都真係要學習，包括本地診所醫生姑娘。」

第二項評測是炒，他將燒肉與一盒菠蘿炒飯同炒，結果炒起後，燒肉同樣發脹，「我真係唔明，點解會突然間發大咗咁多。」他試食後，只表示覺得「味道有少少唔同」，但仍未有交代不同處。

第三項評測是蒸，他將燒肉放進電飯煲內同米一同蒸，結果一樣，燒肉「發得脹得滯」，至於試食的味道，他只說感覺「有啲唔同」。

他其後將測試片段交給一名做肉檔十多年的親戚觀看，該業內人士認為，該些燒肉肯定是豬肉，不會是合成肉，但對於發脹的問題，他懷疑是急凍豬肉，並非新鮮豬肉，「所以導致佢嗰個肉質……發到咁大」。

該網民表示，內地燒肉有不少優質貨，他自己亦經常在內地買燒肉，今次試食這些燒肉翌日亦「冇肚屙」，他認為在深圳最好買即場切的原條燒肉，比已切好的盒裝燒肉較有品質保證，另外要光顧相熟的店舖。

網民質疑測試可信度  港男回應：「但發得太大了」

該測試引發網民熱烈迴響，不少人指該測試始終不是在實驗室進行，可信度低，「你嘅測試真係好兒戲啫……不如攞去化驗所做測試……」「呢啲算係乜嘢測試？同冇做有咩分別。」

有網民又批評：「你的測試極有問題！香港的燒肉一樣會冷縮熱漲，任何肉類加熱都會發漲，有懷疑拎去食安署(應為食安中心)檢查才是，你的測試太無知。」不過，該測試的網民則回應：「但發得太大了。」

「抑或係我哋食慣香港燒肉口味？」

有網民則留言分享，試買深圳燒肉口感與香港不同：「我有買過幾次，唔知點解會係啖啖肉完全冇骨，食落肉質好『鞋』，唔好食之後再冇買。」「在羅湖買過咬不開，以後不買。」

有網民又認為：「買過蓮塘一間，D味好怪，食咗幾嚿就掉了，怕有問題，抑或係我哋食慣香港燒肉口味呢？」

同場加映：港男羅湖遭「美女黨」糾纏實拍全過程 請飲嘢後出事：「佢拉住我唔畀我走！」最後金錢損失是…↓↓↓↓

港男羅湖遭「美女黨」糾纏實拍全過程 請飲嘢後出事：「佢拉住我唔畀我走！」最後金錢損失咁多

港男Youtuber「香港大成」，實拍他在羅湖懷疑被「美女黨」糾纏，提醒「大家要提高警覺」。

該疑似「美女黨」，是一名穿跌膊粉色衫戴口罩女子，她薄施脂粉，儀容秀麗，全程談吐斯文。

女子將港男拉到一邊坐下交談，她多次強調「我不是那種不好的人」

「我真的不是街邊那種乞討的」。

她自稱是「一個人來深圳這邊，因為是我沒結婚之前，就是在深圳這邊工作，」

「做那種女裝批發的……因為結婚一直在家帶小孩嘛，所以現在離婚了，又回來深圳這邊工作了」。

她請求港男：「你能不能幫我一點點費用？我能這兩天吃飯、找個地方。」

她又語帶雙關，提出如港男願意幫她，日後可以和她交朋友，「到時候（還錢）也會感激你的。」

「等我下次發工資了，我再還給你……哪怕下次你過來的話，我請你吃飯，交個朋友都可以的……我希望你不用擔心什麼的。」

「算我求求你了，行嗎？」

片中見到，當港男猶豫時，她會略略拉低其露肩裝。

港男表示，當日準備返回香港，未過關時在羅湖地鐵站，「嗰個女仔就叫我，買啲嘢畀佢食。」

港男心想個個都有困難的時候，於是好心用二十元買了一枝飲品給該女子

然後該女子請他「行埋一邊坐」，並向他提出「幫我一點點費用」的要求。

港男當時即表示，自己都有困難，誰料女子竟關心地問他：「你有什麼困難呢？」

該女子又表示借兩、三百塊錢都可以了。

於是，港男即改為「借尿循」，表示要去廁所。

誰料該女子仍死咬不放：「佢就有少少拉住我，唔畀我走！」

港男靈機一觸，決定走去找地鐵保安。

「問佢廁所喺邊啊，然後一擰轉頭，嗰個女仔已經唔見咗。」

港男這次遭遇，最後點算金錢損失只是請飲料的二十元，可謂有驚無險。

實拍片引發網民熱烈迴響：「佢如果唔係心懷不鬼，盜賊心虛，點會見到保安，同你傾計，佢即刻就要走佬。」

部分網民表示亦遇過：「有遇過幾次，但我都一口拒絕了。」「遇過幾件，商場門口又有，地鐵月台又有，直頭當佢透明，傻仔先去理佢哋。」

不少網民呼籲別理會這類隨街兜搭的女子：「擺明色誘跌哂膊咁，誘惑你。」

網民：「其實、睇佢搽紅指甲油、都係老雀。」「只要不要犯男人容易犯的錯，基本安全。」

網民又指若遇懷疑騙徒，可找公安或地鐵保安求助，「叫佢找公安、佢即時彈開。」「叫她找警察借吧！大家不要上當啦！」