今年11月，香港五個颱風過境，創新紀錄。
仍記得9月「摩羯」落波，筆者總結多次打風/黑雨等經歷，寫下《香港最美麗風景》（9月11日），表揚天災過後，香港人趕返工的拼勁。
不料，近期颱風接二連三，「最美麗風景」亦頻密上畫，港島金鐘站，五條超長的行人電梯人龍，已成為「復工」的黃金標誌。
但是中午復工，緊接帶來的是「午飯」問題。有人在家\xf9埵Y，有人帶便當，亦有人上街找食店，弊！才發覺大部分沒開早巿，午巿亦關門休息。
剩下一間，獨巿照開，逼爆。但今次老闆從九龍趕出來灣仔，才發覺忘記帶鐵閘鎖匙，回頭取，耽誤了，竟趕不及煮飯。
來到中午十二時許，只有早餐粉麵！連續幾批客人湧至，驚呼狂叫：「冇飯食！」慘過冇工開，群情洶湧，疑似暴動。
又話潮流興「輕食」？灣仔及金鐘一帶，全是這類「一啡一餅」店，照常營業，但是各位師兄堅持要「食飯」，點算？
剛好有位年輕人返廚房，踏入門口，仍未換制服，老闆已抓著他問：「星洲炒米，要幾耐？」小朋友口震震，答：「十分鐘。」
眾師兄大手一揮：「好，等你！」冇飯食，唯有改吃炒粉麵；人群坐下，老闆急急去上香拜神；侍應連忙送上凍啡/凍檸，替各位降火。上一代人常說「錢做膽，飯做力」，中。
亦有其他顧客，食早餐當午餐，匆匆結帳離去，大家都是趕開工。慶幸，香港風景依然美麗，還有這個特點：「執生」，亦一定要提。
